'काँग्रेस महाविकास आघाडीचा पाठिंबा काढून घेणार अन् सरकार पडणार'

'महाविकास आघाडीत असलेल्या काँग्रेस पक्षात सर्वकाही आलबेल नाही'
latest political News
latest political News
Summary

'महाविकास आघाडीत असलेल्या काँग्रेस पक्षात सर्वकाही आलबेल नाही'

महाराष्ट्रात सध्या राज्यसभा निवडणुकीमुळे राजकीय वातावरण तापलं आहे. दरम्यान, शिवसेना आणि भाजपाने राज्यसभेसाठी आपले उमेदवार जाहीर केले आहेत. यासाठी महाराष्ट्रातून काँग्रेसने (Congress) बाहेरचा उमेदवार दिल्याने नाराजी आहे. दरम्यान, महाविकास आघाडीत असलेल्या काँग्रेस पक्षात सर्वकाही आलबेल नाही. काँग्रेस पाठिंबा काढणार आणि महाविकास आघाडी सरकार (Mahavikas Aghadi) पडणार, असा दावा केंद्रीय मंत्री रामदास आठवले (Ramdas Athwale) यांनी केला आहे. (Congress latest political News)

औरंगाबाद येथे बोलत असताना त्यांनी हा दावा केला आहे. त्यामुळे आता त्यांच्या या वक्तव्यामुळे चर्चांना उधाण आलं आहे. ते म्हणाले, महाविकास आघाडीत असलेल्या काँग्रेस पक्षात सर्वकाही अलेबल नसल्याच चित्र सध्या दिसत आहे. काँग्रेसमध्ये सत्तेतून बाहेर पडण्याच्या हालचाली सुरू असल्याची चर्चा आहे. इतकंच नव्हे तर काँग्रेसने पाठिंबा काढला तर अडीच वर्षांसाठी आम्ही सत्ता बनवणार असल्याचेही आठवलेंनी स्पष्ट केलं आहे. (Ramdas Athwale news) आम्ही शिवसेनेला अडीच वर्षाचा फॉर्म्युला दिला होता, पण त्यांनी आम्हाला धोका दिला, असा आरोपही आठवलेंनी केला.

latest political News
सुप्रिया सुळे मुख्यमंत्री होणार का? दिलीप वळसे पाटील स्पष्टच बोलले

पुढे ते म्हणाले, भाजपचा उमेदवार निवडून येणार असल्याने आम्हाला घोडेबाजार करण्याची गरजच नाही. राज्यसभेच्या सहाव्या जागेच्या निवडणुकीत भाजपचाच विजय होणार आहे. भाजपकडे विजयासाठी लागणारे संख्याबळही आहे. सातवा उमेदवार आधी त्यांनी टाकला, आम्ही नाही. मग आम्हालाही निवडणूक लढवण्याचा अधिकार आहे. महाविकास आघाडीतील अनेक आमदार नाराज असल्याने तेही आम्हाला मतदान करु शकतात आणि सर्व अपक्ष आमदारही आमच्यासोबत आहे, असा विश्वासही आठवलेंनी व्यक्त केला आहे.

दरम्यान, संभाजीराजे छत्रपती यांच्यासंदर्भात विचारले असता ते म्हणाले, संभाजीराजे छत्रपती यांना भाजपने यापूर्वी संधी दिली होती. पण शिवसेनेने शब्द पाळला नाही. राजे आमच्या सोबत पहिल्यापासून राहिले नाही. राजेंनी सुरवातीपासून अपक्ष राहण्यावर ते ठाम होते. त्यामुळे संभाजीराजेंना भाजपने नक्की काहीतरी दिले असते.

latest political News
बहुजनांची पोरं आजा-नातवाच्या छाताडावर नाचल्याशिवाय राहणार नाही, पडळकरांना रोखलं

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com