Masked robbers allegedly threaten a government engineer with a pistol and knife and steal his Innova car and cash near Amane Toll Plaza on Samruddhi Expressway
esakal
समृद्धी महामार्गावरून प्रवास करणाऱ्या वाहनचालकांच्या सुरक्षेचा प्रश्न पुन्हा ऐरणीवर आला आहे. मुंबई-नागपूर समृद्धी महामार्गावर भरदिवसा एका सरकारी अभियंत्याला पिस्तूल आणि चाकूचा धाक दाखवून लुटल्याची धक्कादायक घटना समोर आली आहे. आमणे टोल नाक्याजवळ घडलेल्या या प्रकारात हल्लेखोरांनी अभियंत्याची इनोव्हा कार, सुमारे ३० हजार रुपये रोख रक्कम आणि मोबाईल घेऊन पळ काढला. या प्रकरणी पोलिसांनी छत्रपती संभाजीनगर येथून दोन संशयितांना ताब्यात घेतल्याची माहिती आहे.
