Aurangabad : इटावाच्या उपसरपंचावरील अविश्वास ठरावावर चर्चेसाठी विशेष सभा

वाळूज (जि.औरंगाबाद) : वाळूज परिसरातील इटावा ग्रामपंचायतच्या उपसरपंचावर दाखल केलेल्या अविश्वास ठरावावर चर्चा करण्यासाठी मंगळवार म्हणजे १५ फेब्रूवारी निश्चित करण्यात आली. मात्र या संदर्भात ग्रामपंचायत सदस्यांना उपस्थितीबाबत तहसीलदारांनी दिलेली नोटीस दिशाभूल करणारी आहे. त्यामुळे या नोटिशीची परिसरात खमंग चर्चा सुरू आहे. वाळूज परिसरातील इटावा ग्रामपंचायतच्या (Gram Panchayat) उपसरपंच वंदना घुले यांच्यावर ग्रामपंचायत सदस्य अण्णा गोरखनाथ व इतर सहा ग्रामपंचायत सदस्यांनी नऊ फेब्रुवारी रोजी अविश्वास ठराव दाखल केला आहे. त्यामुळे या ठरावावर चर्चा करण्यासाठी विशेष सभेचे आयोजन तारीख १५ रोजी करण्यात आले आहे. (Special Meeting For Itawa Vice Sarpanch No Motion, Gangapur Tahsildar Notice Misguided)

मात्र ही नोटीस दिशाभूल करणारी असल्याचे समोर आले असून हा ठराव मंगळवारी आहे की, बुधवारी या संभ्रमात इटावा ग्रामपंचायतचे पदाधिकारी सापडले आहे. तहसीलदार, गंगापूर (Gangapur) यांनी बजावलेल्या नोटीसची चर्चा मात्र वाळूज (Waluj) परिसरासह संपूर्ण तालुक्यात खमंग स्वरूपात होत आहे.(Aurangabad)