ऊस जळून खाक ! पैठणमध्ये तोड मिळत नसल्याने शेतकरी हवालदिल

लोहगाव (जि.औरंगाबाद) : पैठण (Paithan) तालुक्यातील ऊस उत्पादक शेतकऱ्यांना तोड मिळत नसल्याने शेतकरी हवालदिल झाले असताना मुलानीवाडगाव शिवारातील दोन शेतकऱ्यांचा पाच एकर ऊस विजेचा शाॅर्ट सर्किटने जळाल्याची घटना शनिवार (ता.पाच) दुपारी घडली.नागरिकांनी वेळीच धावपळ करत आग आटोक्यात आणल्याने शेजारच्या शेतकऱ्यांचा वीस एकर ऊस पीक (Sugarcane Producing Farmers) आगीपासून वाचला आहे. मुलानीवाडगाव शिवारातील गट नंबर १०० मधील विजय काशिनाथ मिसाळ यांच्या तीन एकरातील ऊसाला दुपारी अचानक विजेच्या शाॅर्ट सर्किटमुळे आग लागली.(Sugarcane Producing Farmers In Trouble In Paithan Taluka Of Osmanabad)

हवेमुळे आग वाढत जाऊन याच गटातील बद्रीनाथ बापुराव इथापे यांच्या तीन एकराला लागलेली आग गावातील नागरिक शेतकऱ्यांनी धावपळ करून आटोक्यात आणल्याने शेजारील वीस एकर ऊस आगीपासून वाचला आहे. दरम्यान लोहगाव परिसरात विविध साखर कारखान्याला नोंदणी केलेल्या शेकडो हेक्टर १४ ते १५ महिन्यांचा ऊस पिकाला तोड मिळत (Aurangabad) नसल्याने शेतकरी हैराण झाले तर दुसरीकडे ऊस तोडणी मजुर, ट्रक, ट्रॅक्टर वाहतूक करणारे चालक आर्थिक पिळवणूक करत आहे. त्यामुळे ऊस उत्पादक हवालदिल झाले आहे. या पिळवणुकीला कारखाना पदाधिकारी, प्रशासनाने आळा घालावा, अशी मागणी शेतकऱ्यांनी केली आहे.