यशवंतराव चव्हाण मुक्त विद्यापीठाच्या उद्यापासून ऑनलाइन परीक्षा

औरंगाबाद : यशवंतराव चव्हाण महाराष्ट्र मुक्त विद्यापीठाच्या २०१९-२० या अंतिम वर्षाची परीक्षा यंदा कोरोना विषाणूच्या प्रादुर्भावामुळे ऑनलाइन होणार आहेत. या परीक्षेचे वेळापत्रक जाहीर करण्यात आले आहे. उद्या सोमवारपासून (ता.पाच) या परीक्षा दोन सत्रांत सुरू होत आहेत. सकाळच्या सत्रातील पेपर सकाळी ८ ते दुपारी १ वाजेपर्यंत असेल तर दुपारच्या सत्रातील पेपर दुपारी ३ ते रात्री ८ वाजेपर्यंत असेल. हा कालावधी काही संभाव्य तांत्रिक अडचणींमुळे करण्यात आला आहे, अशी माहिती विद्यापीठाच्या वतीने देण्यात आली आहे.

बाबासाहेब आंबेडकर मराठवाडा विद्यापीठाच्या परीक्षा नऊ ऑक्टोबरला होणार सुरु

विद्यार्थ्यांनी त्यांचा पीआरएन क्रमांक आणि प्रवेश घेते वेळेस नोंदणी केलेली जन्मतारीख किंवा आईचे नाव वापरुन ऑनलाइन परीक्षेसाठी प्रवेशीत होणे गरजेचे आहे. परीक्षा देण्यासाठी सत्र सुरु होताना लॉगीन करण्यापासून परीक्षेतील ५० पैकी ३० बहुपर्यायी प्रश्न कसे सोडवायचे, योग्य उत्तर कसे नोंद करावे या सर्व सूचना लक्षात घ्यावा, असे आवाहन विद्यार्थ्यांना करण्यात आले आहे. एकूण प्रत्येक पेपरची परीक्षा ही ६० गुणांची असणार आहे.

सोमवापासून (ता.पाच) शालेय व्यवस्थापन पदविका, बी.एड, एम. ए. एज्युकेशन या सर्व विषयांचे पेपर सुरु होतील. एम.ए. हिंदी, इंग्रजीचे पेपर हे ता.७ ऑक्टोबरपासून होतील. बी.ए. पदवीचे पेपर १३ ऑक्टोबरपासून होतील. तसेच विद्यार्थ्यांना घरी बसून परीक्षा देता यावी. यासाठी युझर मॅन्युअलचा वापर करण्याची सुविधा देण्यात आली आहे. ऑनलाइन परीक्षेसाठी https://ycmou.unionline.in ही लिंक  देण्यात आली आहे.

संपादन - गणेश पिटेकर