FDA Crime : तुकाराम मुंढेंचा सर्वात मोठा दणका! संभाजीनगर शॉक; प्रसिद्ध 'आईच्या गावात' अन् 'यल्ला यल्ला' हॉटेलला टाळे

छत्रपती संभाजीनगर - बटर चिकन, पनीर, हरियाली कबाब, चिकन लॉलीपॉपसह विविध पदार्थामध्ये सिंथेटिक फूड कलरचा वापर, स्वयंपाकघरात बुरशी लागलेल्या भाज्या, शाकाहारी-मांसाहारी पदार्थाची एकत्र साठवणूक आणि अस्वच्छतेचा कळस, तर दुसरीकडे बटर नानच्या नावाखाली व्हेजिटेबल फॅट स्प्रेड वापरून ग्राहकांची फसवणूक केल्यामुळे शहरातील दोन रेस्टॉरंटमध्ये नागरिकांच्या आरोग्याशी सुरू असलेला हा खेळ अन्न व औषध प्रशासनाच्या (एफडीए) मध्यरात्रीच्या धडक कारवाईत उघड झाला. यातील 'यल्ला यल्ला' रेस्टॉरंट आणि 'आईच्या गावात फेमस टेन रेस्टॉरंटवरील कारवाईनंतर दोन्ही आस्थापनांचे परवाने पुढील आदेशापर्यंत निलंबित केले आहेत.