अपघात एवढा भीषण होता की, दुचाकीवरील दोन्ही तरुणांचा जागेवरच अंत झाला. 

वडवणी (बीड) : तालुक्यातील हिवरगव्हाण येथे मित्राला मोटरसायकलवर सोडून आपल्या उपळी गावाकडे येत असताना बाबी फाट्याजवळील गतिरोधकावर पाठीमागून येणाऱ्या एसटीबसने जोराची धडक देत मोटरसायकल स्वरांना उडवले. अपघात एवढा भीषण होता की, दोन्ही तरुण जागीच ठार झाले असल्याची घटना तीन सप्टेंबर रोजी रात्री साडेनऊच्या दरम्यान घडली आहे. 

आदर्श शिक्षक पुरस्कारासाठी औरंगाबाद जिल्ह्यातून ३५ शिक्षकांचे प्रस्ताव 

याबाबत अधिक माहिती अशी की, वडवणी तालुक्यातील उपळी येथील तरुण ऋषिकेश राजु शेळके वय (२३ वर्षे), ओमप्रकाश श्रीमंत राऊत (वय २६ वर्ष) हे आपल्या मोटरसायकलवर हिवरगव्हाण येथील मित्राला सोडुन आपल्या गावी उपळीला येत होते. वाटेत बाबी फाट्या जवळ असणाऱ्या गतिरोधक जवळ पाठीमागून बीड वरून येणाऱ्या परभणी आगाराची एसटी बस (एम एच २० बी एल ३६१२) क्रमांकांच्या एस टी बस चालकाचा गाडीवरील ताबा सुटल्याने विना नंबर असलेल्या मोटरसायकलला पाठीमागून जोराची धडक दिली.

बालविवाह रेणापूरच्या तहसीलदारांनी रोखला, वधुवराच्या कुटुंबीयांचे केले समुपदेशन  

यामध्ये ऋषिकेश शेळके व ओमप्रकाश राऊत या दोन्ही तरुणाचा जागीच मृत्यू झाल्याची घटना घडली आहे. रात्री साडेनऊच्या दरम्यान घडली आहे. जखमी अवस्थेत तरुणांना उपचारासाठी बीड जिल्हा शासकीय रुग्णालयात दाखल केले असता डॉक्टरांनी त्यांना मृत घोषित केले आहे. या घटनेची माहिती वडवणी पोलिसांना कळताच उपळी बीट अंमलदार नवनाथ ढाकणे यांनी या घटनेकडे तात्काळ धाव घेतली होती. सदरील या घटनेने उपळी गावात शोककळा पसरली आहे. अधिक तपास वडवणी पोलीस करत आहेत.

(संपादन-प्रताप अवचार)