अंबाजोगाई (जि.बीड) : शहरातील यशवंतराव चव्हाण चौकाजवळील पाण्याची टाकी परिसरात सोमवारी (ता.एक) सायंकाळी साडेसातच्या सुमारास अज्ञातांनी एका युवकाचा धारदार शस्त्रांनी खून केल्याची घटना घडली. दरम्यान या घटनेचा रात्री उशीरापर्यंत गुन्हा दाखल करण्याची प्रकिया सुरू होती.
गणेश सुंदरराव मोरे (वय 20) असे खून झालेल्या युवकाचे नाव आहे. मारेकरी खून करून फरार झाल्याने अद्याप खून कोणत्या कारणाने झाला. याचा तपास पोलिसांना लागला नव्हता. घटनेची माहिती अशी, की गणेश मोरे हा सायंकाळी पाण्याची टाकी परिसरात बसला होता. यावेळी मारेकरी अचानक तिथे आले आणि त्यांनी धारदार शस्त्राने त्याच्यावर सपासप वार करून निघून गेले.
त्यात गणेश गंभीर जखमी झाला. पोलिसही घटनास्थळी दाखल झाले. त्याला उपचारासाठी रुग्णालयात दाखल केले. परंतू त्याचा मृत्यू झाल्याचे डाॅक्टरांनी सांगितले. या घटनेमुळे शहरात खळबळ उडाली असून पोलिस आरोपींचा शोध घेत असल्याचे पोलिस निरीक्षक बाळासाहेब पवार यांनी सांगितले.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.