जालना : शिवसेना, राष्ट्रवादी काँग्रेस व काँग्रेसने एकत्र येऊन स्थापन केलेल्या महाविकास आघाडीत काँग्रेसकडून सतत नाराजीचे सुरू निघत आहेत. राज्याच्या नगर विकास खात्याकडून काँग्रेस पक्षाच्या आमदारांच्या ताब्यात असलेल्या नगरपालिकांना निधी दिला जात नाही, असा आरोप काँग्रेसचे आमदार कैलास गोरंट्याल यांनी शुक्रवारी (ता.२१) केला आहे.
जालना शहरातील अनेक रस्त्यांची दुरावस्था झाली आहे. या रस्त्यांच्या कामांसाठी निधीची गरज आहे. मात्र, नगर विकास खात्याकडून काँग्रेसच्या आमदारांच्या ताब्यात असलेल्या नगरपालिकाना निधी देण्यास टाळाटाळ केली जात आहे. तर इतर पक्षांच्या ताब्यात असलेल्या नगरपंचायतीना कोट्यावधी रुपयांचा निधी दिला जात आहे, असा भेदभाव का होतो, असा आरोप काँग्रेसचे आमदार कैलास गोरंट्याल यांनी केला.
या बाबत मुख्यमंत्री उद्धव ठाकरे यांच्याशी आपण चर्चा केली असून पक्षश्रेठींनाही याबाबत माहिती दिली आहे. ही बाब काँग्रेसच्या अकरा आमदारांसोबत झाली आहे, असा आरोप ही काँग्रेसचे आमदार कैसाल गोरंट्याल यांनी केला आहे.
आ. गोरंट्याल यांच्या या आरोपानंतर महाविकास आघाडी सरकारमधील अंतर्गत राजकारण पुन्हा चव्हाट्यावर येऊ लागले आहे. कॉंग्रेस आमदारांबद्दल होणार दुजाभाव पुन्हा दिसू लागला आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
