कोंबड्यांमध्ये खरंच कोरोना विषाणू आहे का? नॉनव्हेजवाल्यांनो, वाचा... 

संग्रहित छायाचित्र
संग्रहित छायाचित्र

माजलगाव (जि. बीड) - चीनसह काही देशांमध्ये सध्या कोरोना विषाणूचा उद्रेक झाला असून शेकडो लोकांचा मृत्यू झाला आहे. या विषाणूचा भारतातही संशयित रुग्ण आढळून आल्याच्या पार्श्‍वभूमीवर हा आजार नेमका कशामुळे होतो, याचा शोध घेणाऱ्यांची संख्या वाढली आहे.

कोरोनामुळे बीड जिल्ह्यातील नागरिकही धास्तावले असून चिकन खवय्यांमध्ये मात्र गोंधळ निर्माण झाला आहे. सध्या चिकन विक्रीवर मोठा परिणाम झाल्याचे चित्र आहे. कोरोना विषाणू अत्यंत घातक समजला जातो. त्यावर अद्याप कसल्याही प्रकारची उपाययोजना झालेली नाही. कोरोना विषाणूच्या धास्तीमुळे मांसाहार करणाऱ्या लोकांच्या जेवणातील चिकन, मटन, मासे हद्दपार झाले आहेत.

याबाबत वारंवार जनजागृती करण्यात येत असली तरी या भयानक आजारामुळे मांसाहार नको रे बाबा अशी म्हणण्याची वेळ आली आहे. सध्या चिकन मार्केट ठप्प झाले आहे. 

सोशल मीडियावर कोरोना विषाणूच्या लागणीबाबत व्हिडिओ, संदेशाद्वारे जनजागृती करण्यात येत आहे; परंतु चिकन खाण्यातून विषाणूची लागण होत असल्याची चुकीची माहिती दिली जात असल्याचा डॉक्‍टरांचा दावा आहे.

माजलगाव येथील पशुधन विकास अधिकारी डॉ. एस. एस. अलमवार यांनी सांगितले की, कोंबड्यांमध्ये कोरोना विषाणू आढळून आल्या, या अफवा आहेत. अफवांवर विश्‍वास ठेवू नये. कोंबड्यांमध्ये बर्ड फ्लू असतो, तोसुद्धा आपल्या परिसरात नाही.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com