देश अदृष्य शत्रुशी लढतो आहे- प्रा. मनोज बोरगावकर

नांदेड : आपला देश, शासन, राज्यसरकार प्राणपणाने लढतात दिसत आहे. पक्षीय मतभेद विसरून सगळेच प्राणपणाने लढताहेत. डॉक्टर, मेडिकल स्टाफ, मीडिया, आणि माझा पोलिस प्राणपणाने जणू सीमेवरच्या सैनिकागत जीवाची बाजी लावून लढतोय. सीमेवर जसे कळत नाहीं गोळी कुठून येऊन छाताडात घुसणार आहे...तरीपण लढाई चालू आहे अव्याहत.... 

सीमेवरच्या सैनिकाचा नशिबी शहीदी तरी नशिब होते... पण या साऱ्यांचा नशिबी आलाच तर एक चुकार व्हायरस येणार तरी बिचारे प्राणपणाने लढताहेत... त्यामुळे त्यांच्या पुढे नतमस्तक होताना पाठीचा कणा आधिकाच ताठ झाल्याचा मनस्वी अनुभव येतोय. असे ठाममत जेष्ठ साहित्यीक तथा नदीष्ठचे लेखक प्रा. मनोज बोरगावकर यांनी ‘सकाळ’शी बोलतांना व्यक्त केले. 

हेही वाचा - भाग तीन : नांदेड होते शैक्षणिक केंद्र व वैभवशाली नगर

सैनिकाना घरात राहून सहकार्य करायचे

आपण सारे मिळून त्यांचा जीवावर उदार होण्याचा बाण्याला प्राणातून सहकार्य करू या... गम्मत म्हणून बाहेर फेरफटका मारणे... अन् अनिवार्यपणे ड्युटीवर जाणे यात खुप अंतर आहे. हे भान आपण ठेवलेच पाहिजे. ब्लेसिंग इन डीसगाईस म्हणून काही गोष्टीकडेही पाहता येईल. देशातले प्रदूषण प्रचंड कमी झाले आहे. धर्म, जात, पंथ, भाषा विसरून लोक एकदिलाने लढताहेत....घासातला घास काढून देताहेत...
आपल्याला फक्त शासनाला यात तमाम लढणाऱ्या जीवावर उदार झालेल्या सैनिकाना घरात राहून सहकार्य करायचे...मान्य आहे... दिवसचे दिवस घरात बसुन राहणे अवघड आहे.. पण दोस्तहो मेडिकल स्टाफ, पोलिस, मीडिया कर्मी यांच्यापेक्षा खुप सोपी लढाई आपल्याला लढायची आहे..

ही खुपचं विचित्र लढाई आहे शस्त्र घेऊन लढायचे नाही

आपण सगळे मिळून देश राखू या... काय बिशाद आहे आपण एकजुटीने करोनाशी लढलो तर... त्याला पराभूत करायला वेळ नाहीच लागणार. जरासे बेताल वागून आधीच बेताल असणाऱ्या कोरोनाचा बाजूने या लढाईत आपल्याला उभे राहायचे का आख्या देशाच्या बाजूने हे निकराने ठरवायची वेळ आली आहे...
ही खुपचं विचित्र लढाई आहे शस्त्र घेऊन लढायचे नाही ... तर शस्त्र मॅन करून ही लढाई लढावी लागणार आहे...

येथे क्लिक करा - ‘कोरोना’ची भीती असलेल्यानेच केला डॉक्टरांवर आरोप, कसा आणि काय घडले ते वाचा

कोरोना..ला पुसून टाकायचे हे ठरवायची वेळ

हा कॉमन मॅन खूप शहाणा आहे हे त्यांने वेळोवेळी दाखवून दिलंय... पुन्हा ते शहाणपण दाखवायची वेळ आली आहे.... जगाच्या नकाशावरुन आपण पुसल्या जायचे... का ..कोरोना..ला पुसून टाकायचे हे ठरवायची वेळ आता आलीय. सामुहिक शहाणपण दाखवून या अदृश्य शत्रूला पराभुत करू या...