आठवडाभरात कोरोनाचे १२७ रुग्ण, उस्मानाबाद जिल्ह्यात संख्या स्थिर

3Corona_102
3Corona_102

उस्मानाबाद  : जिल्ह्यात गेल्या आठ दिवसांत कोरोना संसर्गाचे प्रमाण स्थिर असल्याचे दिसून येत आहे. यामध्ये समाधानाची बाब म्हणजे आठवड्यात केवळ दोनच मृत्यूंची नोंद झाली आहे. कोरोनाचा संसर्ग दुसऱ्या टप्प्यात वाढेल असे संकेत मिळत होते. तशा सूचनाही आरोग्य विभागाकडून देण्यात येत होत्या. मात्र, गेल्या आठ दिवसांपासून जिल्ह्यातील कोरोना संसर्गाचा आलेख स्थिर असल्याचे दिसून येत आहे.

आठवड्यात १२७ जणांना कोरोनाची लागण झाली आहे. सोमवारी (ता. सात) १६ जणांना कोरोनाची बाधा झाली. त्यानंतर मंगळवारी १७, तर बुधवारी मात्र ही संख्या २५ वर पोचली. दरम्यान गुरुवारी सर्वांत कमी म्हणजे केवळ सात रुग्णांची नोंद झाली. शुक्रवारी पुन्हा यामध्ये वाढ झाली. शुक्रवारी बाधीत रुग्णांची संख्या २८ होती. शनिवारी संख्येत घट होऊन १५ वर पोचली. रविवारी (ता. १३) पुन्हा १९ जणांना कोरोनाची लागण झाली आहे.


थंडीचा परिणाम
सध्या जिल्ह्यात सर्वत्र ढगाळ वातावरण आहे. आठवड्याच्या सुरवातीला थंडी होती. मात्र, त्यानंतर दोन दिवसांत थंडीचे वातावरण कमी झाले. आकाशात ढग दिसू लागल्याने थंडी कमी होऊन गरमी वाढू लागली. त्यामुळे सर्दी, खोकला यासारख्या आजारांना पोषक वातावरण राहिले नाही. त्यामुळे कदाचित रुग्णसंख्येत कमी असल्याचे बोलले जात आहे.


मृत्यूची संख्या घटली
जिल्ह्यात आठवड्यात केवळ दोन रुग्णांचा मृत्यू झाला आहे. ही जिल्ह्यासाठी समाधानाची बाब म्हणावी लागत आहे. आतापर्यंत जिल्ह्यात कोरोनाने ५५७ रुग्णांचा बळी गेला आहे. गेल्या आठ दिवसात बुधवारी (ता. नऊ) आणि शुक्रवारी (ता. ११) प्रत्येकी एका रुग्णाचा उपचारात दरम्यान मृत्यू झाला आहे. विशेष म्हणजे अँटीजेन तसेच आरटीपीसीआर टेस्ट होऊनही बाधितांची संख्या कमी झाल्याने जिल्ह्यासाठी ही समाधानाची बाब म्हटली जात आहे.

Edited - Ganesh Pitekar

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com