आष्टी : ३० हजारांची लाच मागितल्याप्रकरणी ग्रामसेवकावर गुन्हा | Sakal
sakal

बोलून बातमी शोधा

lach
आष्टी : ३० हजारांची लाच मागितल्याप्रकरणी ग्रामसेवकावर गुन्हा

आष्टी : ३० हजारांची लाच मागितल्याप्रकरणी ग्रामसेवकावर गुन्हा

आष्टी : ग्रामपंचायत इमारत दुरुस्ती कामाचे बिल काढण्यासाठी 30 हजार रुपयांची लाच (Bribe)मागितल्याप्रकरणी तालुक्यातील गहूखेल-वेलतुरी ग्रामपंचायतीचा ग्रामसेवक सय्यद शकील सय्यद (वय 46, रा. धामणगाव ता. आष्टी) याच्याविरुद्ध (ता. सात) लाचलुचपत प्रतिबंधक विभागाने कारवाई केली. याप्रकरणी आष्टी पोलिस ठाण्यात (POLICE STATION ASHTI)सय्यद याच्याविरुद्ध गुन्हा दाखल करण्यात आला आहे.

हेही वाचा: सोलापुर पुणे महामार्गावर अपघात ,दोघांचा मृत्यु

याबाबतची माहिती अशी की, सय्यद शकील सय्यद हा तालुक्यातील गहुखेल-वेलतुरी ग्रामपंचायतीत ग्रामसेवक म्हणून कार्यरत आहे. या ग्रामपंचायत इमारतीच्या दुरुस्तीचे काम झाले होते. त्याचे बिल काढण्यासाठी तसेच जीएसटीचे 42 हजार 742 रुपये ग्रामपंचायतीच्या खात्यावर जमा न करता तक्रारदारांना देण्यासाठी सय्यद याने 50 टक्के लाचेची मागणी केली होती.

हेही वाचा: सोलापूर : आव्हानात्मक स्थितीत 1544 कोटींची निर्यात

यासंदर्भात तक्रारदाराने ता. 23 डिसेंबर रोजी बीडच्या लाचलुचपत प्रतिबंधक विभागाकडे तक्रार केली होती. त्यानुसार पंचासमक्ष लाच मागणी पडताळणी केली असता सय्यद शकील सय्यद याने 30 हजार रुपये लाच स्वीकारण्याचे मान्य केल्याचे निष्पन्न झाले. त्यानुसार सय्यदविरुद्ध आष्टी पोलिस ठाण्यात आज (ता. सात) भ्रष्टाचार प्रतिबंधक अधिनियम 188 अन्वये गुन्हा दाखल करण्यात आला आहे. ही कारवाई लाचलुचपतचे पोलिस उपअधीक्षक भारत राऊत, पोलिस अंमलदार सुरेश सांगळे, हनुमान गिराम, वाहनचालक गणेश म्हेत्रे यांच्या पथकाने केली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Marathwada
loading image
go to top