Leopard-Like Animal Spotted in Ibrahimpur Farmland
Sakal
देगलूर : देगलूर तालुक्यातील इब्राहिमपूर शिवारात जेसीबी चालकास बिबट्या आढळल्याची माहिती मिळाल्यानंतर या भागात शोधमहीम राबविण्यात आली होती. परंतु त्या परिसरात दिसला नसला तरी दुसऱ्या दिवशी लक्खा परिसरातील शेतकऱ्यांना तो आढळून आल्याची ही माहिती प्राप्त झाली आहे . दरम्यान ता. २९ रोजी कुष्णुर एमआयडीसी येथे बिबट्याने एका कंपनी कामगार व वन विभागातील एका कर्मचाऱ्यावर हल्ला केल्यानंतर देगलूर भागातील शेतकरी धास्तावले आहेत . वनपरिक्षेत्र कार्यालयातील कर्मचारी बिबट्याचया शोध मोहिमेसाठी परिश्रम घेत आहेत. लख्खा येथे ता. २९ रोजी सकाळी शिवाजी रामचंद्र कटकुले हे शेतकरी शेतातील पिकांना पाणी देण्यासाठी गेले असताना त्यांना बिबट्या सदृश्य प्राणी आढळल्याची माहिती त्यांनी वन कर्मचाऱ्यांना दिली.