Close Contest for Degloor Municipal Council
sakal
देगलूर : देगलूर नगरपरिषदेच्या १३ प्रभागातील २७ नगरसेवक व थेट अध्यक्षपदासाठी ता.२ डिसेंबर रोजी मतदान होत आहे .यासाठी मतदान यंत्रणेची तयारी पूर्ण झाली असून शहरातील ४७ बुथसाठी ३०० कर्मचारी मतदान प्रक्रियेसाठी नेमण्यात आले आहेत. थेट नगराध्यक्ष पदासाठी पाच उमेदवार निवडणूक रिंगणात असून काँग्रेसच्या वतीने मनोरमा निलमवार, राष्ट्रवादी काँग्रेसच्या वतीने विजयमाला टेकाळे, भाजपाच्या वतीने नीलाताई भांगे, शिवसेनेच्या शिंदे गटाच्या वतीने जयश्री काबदे तर अपक्ष म्हणून मुस्कान कुरेशी या रिंगणात असून मतदानाच्या पूर्वसंध्येपर्यंत काँग्रेसच्या मनोरमा नीलमवार व राष्ट्रवादी काँग्रेसच्या विजयमाला टेकाळे यांच्यात काट्याची लढत होत आहे.