कळमनुरीतील ३९ हेक्टर जमीन ED ने केली जप्त,मुंबईच्या पथकाची कारवाई | Hingoli Update | Sakal
sakal

बोलून बातमी शोधा

Enforcement Directorate Seized Land In Hingoli

कळमनुरीतील ३९ हेक्टर जमीन ED ने केली जप्त,मुंबईच्या पथकाची कारवाई

हिंगोली : कळमनुरी (Kalamnuri) तालुक्यातील खापरखेडा व वाकोडी शिवारात गंगाखेड शुगर ॲण्ड एजन्सी लि . विजयनगर माकणीतर्फे नंदकिशोर शर्मा ( रा . उमरखेड ) या नावे असलेली सुमारे ३९ हेक्टर जमीन अंमलबजावणी संचालनालयाने (ED) मंगळवारी (ता.चार) जप्त केली आहे. त्यामुळे आता या जमिनीवर अंमलबजावणी संचालनालयाचा ताबा राहणार असल्याचे सांगण्यात आले आहे. याबाबत सुत्रांनी दिलेल्या माहितीनुसार, गंगाखेड शुगर ॲण्ड एजन्सी (Gangakhed Sugar And Agency) विजयनगर माकणी यांनी कळमनुरी तालुक्यातील वाकोडी व खापरखेडा शिवारात शेत जमीन खरेदी केली होती. या दोन्ही शिवारात पाच गटांमध्ये सुमारे ३९ हेक्टर जमीन खरेदी केली होती. या ठिकाणी साखर कारखाना (Hingoli) सुरु करण्याचा त्यांचा प्रस्ताव असल्याचे सांगण्यात आले होते. (Ed Seized 39 Hector Land In Kalamnuri Taluka Of Hingoli, Mumbai Team took action)

हेही वाचा: धनंजय मुंडेंनी मोडले कोरोनाचे नियम; ना मास्क, ना अंतर, गर्दीत काढला सेल्फी

सुमारे सात ते आठ वर्षापुर्वी खरेदी केल्याचे सुत्रांनी सांगितले. दरम्यान, मंगळवारी (ता.चार) मुंबईच्या अंमलबजावणी संचालनालयाचे अधिकारी सुमीत रॉय यांच्या पथकाने कळमनुरी येथे दुपारी बारा वाजण्याच्या सुमारास तहसील कार्यालय गाठले. या ठिकाणी त्यांनी तहसीलदा सुरेखा नांदे यांच्याशी चर्चा करून वाकोडी व खापरखेडा शिवारातील गट क्रमांक व स्थळ निश्चितीसाठी मंडळ अधिकारी व तलाठी यांना सोबत देण्याबाबत सांगितले. त्यावरून मंडळ अधिकारी किरण पावडे , खापरखेडा येथील तलाठी रेवता लुटे , वाकोडी येथील तलाठी गंगाधर पाखरे यांना सोबत घेऊन ईडीच्या पथकाने ३९ हेक्टर जमीन सील करून ताब्यात घेतली आहे.

हेही वाचा: धक्कादायक! मासे पकडण्यासाठी लावलेल्या जाळ्यात तब्बल 50 सापांचा मृत्यू

या ठिकाणी ईडीचा फलक देखील लावण्यात आला आहे. दरम्यान, वाकोडी येथील गट क्रमांक ९८ मधील १०.९९ हेक्टर , गट क्रमांक ८६ मधील २.८४ हेक्टर , गट क्रमांक ८७ मधील ७.९९ हेक्टर जमीन सील केली आहे . तर खापरखेडा शिवारातील गट क्रमांक १४२ मधील १४ हेक्टर तर गट क्रमांक १३७ मधील ३.८० हेक्टर जमीन सील केली आहे. सदर जमिनीची सातबारा गंगाखेड शुगर अॅण्ड एजन्सी लि . विजयनगर माकणीतर्फे मुख्यारआम मुख्य शेतकी अधिकारी नंदकिशोर शर्मा (रा. उमरखेड) यांच्या नावे असल्याचे महसुल विभागातर्फे सांगितले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top