FDA Crime
sakal
- रविंद्र गायकवाड
बिडकीन - नागरिकांच्या ताटात पोहोचणाऱ्या खाद्यतेलाच्या गुणवत्तेशी आणि आरोग्याशी थेट खेळ करणाऱ्या उद्योगांवर अन्न व औषध प्रशासनाने (एफडीए) मोठा घाव घातला आहे. शहरातील लक्ष्मण चावडी (अभिनय थिएटरमागे) आणि पैठण रोडवरील गेवराई तांडा परिसरातील बगारिया ऑइलच्या दोन युनिटवर टाकलेल्या धडक छाप्यात तब्बल २ कोटी ९३ लाख ३५ हजार ६०३ रुपये किमतीचे १ लाख ९० हजार ६५५ किलो खाद्यतेल जप्त करण्यात आले. या गंभीर अनियमिततेमुळे दोन्ही कंपन्यांचे अन्न व्यवसाय परवाने तात्काळ निलंबित करण्यात आले असून, या कारवाईमुळे खाद्यतेल उद्योगात एकच खळबळ उडाली आहे.
