उस्मानाबाद : ५० हजार रुपयांची लाच घेताना वाशी पोलीस ठाण्याच्या पोलीस उपनिरीक्षक, दोन पोलीस कर्मचाऱ्यांसह एका अनोळखी वाहनचालकावर लाचलुचपत प्रतिबंधक विभागाच्या पथकाने कारवाई केली आहे. लाच स्विकारुन मात्र सर्वजण शासकीय वाहनासह पसार झाल्याचा प्रकार समोर आला आहे.
मराठवाड्याच्या इतर बातम्या वाचण्यासाठी - क्लिक करा
रविवारी रात्री उशिरा पीएसआयसह दोन पोलिस कर्मचाऱ्यांवर गुन्हा दाखल करण्यात आला आहे. उस्मानाबाद पोलिस उपअधीक्षक कार्यालयाच्या पथकाने ही कारवाई केली आहे.वाशी पोलिस ठाण्याचे पोलिस नाईक सम्राट माने, पोलिस उपनिरीक्षक योगेश खटाने, बाळासाहेब बिभीषण हाके व अनोळखी वाहन चालक यांच्याविरुद्ध गुन्हा दाखल करण्यात आला आहे.
याविषयी अधिक माहिती अशी की, तक्रारदार यांना ट्रॅकटरमधे मुरुमची वाहतूक करत असताना पोलिसांनी पकडले. दरम्यान तक्रारदार यांच्यावर कारवाई न करण्यासाठी पोलीस कर्मचाऱ्यांनी ५० हजार रूपयाची मागणी केली. तडजोडी अंती ४५ हजार रूपये मागणी करुन पहिला हफ्ता ३० हजार रुपये स्विकारल्यानंतर पीएसआयसह पोलिस कर्मचारी अन शासकीय वाहनचालक पसार झाले.
औरंगाबादच्या इतर बातम्या वाचण्यासाठी - क्लिक करा
दरम्यान सापळा अधिकाऱ्यांनी थांबविण्याचा प्रयत्न केला असता, लाच स्विकारणारे पळून गेले. दरम्यान तपास अधिकाऱ्यांना दुखापत झाली. लाच स्विकारणारे पीएसआय, दोन पोलिस कर्मचारी आणि शासकीय वाहन चालक हे शासकीय वाहनासह पसार झाल्याचे शेवटी समोर आले. अशी माहिती सापळा अधिकारी पोलिस निरिक्षक जी. एस. पाबळे यांनी दिली आहे.
महाराष्ट्रातील इतर बातम्या बाचण्यासाठी - क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.