माजी गृहमंत्री पद्मसिंह पाटील यांना कोरोनाची लागण, मुलाने दिली माहिती | Padamsinha Patil | Sakal
sakal

बोलून बातमी शोधा

Padamsinha Patil

माजी गृहमंत्री पद्मसिंह पाटील यांना कोरोनाची लागण, मुलाने दिली माहिती

उस्मानाबाद : राज्याचे माजी गृहमंत्री डॉ.पद्मसिंह पाटील यांना कोरोनाची लागण झाल्याची माहिती त्याचे पुत्र आमदार राणाजगजितसिंह पाटील (Ranajagjitsinha Patil) यांनी सोशल मीडियावरुन दिली आहे. डॉ.पाटील हे अगोदरच आजारी असल्याने त्यांच्या प्रकृतीबाबत कायम दक्षता घेतली जाते. त्यातच कोरोनाची लागण झाल्याने त्यांच्या कार्यकर्त्यांकडुन चिंता व्यक्त करण्यात येत होते. मात्र राणा पाटील यांनी डॉ.पाटील यांची प्रकृती उत्तम असल्याची माहिती दिली आहे. कोरोना चाचणी (Corona Test) पॉझीटिव्ह वैद्यकीय सल्ल्यानुसार खबरदारीसाठी रुग्णालयामध्ये डॉक्टरांच्या देखरेखीखाली उपचार सुरू असल्याचे त्यानी सांगितले आहे. (Former Home Minister Padamsinh Patil Tested Corona Positive)

हेही वाचा: आर्थिक संकटात सापडलेल्या श्रीलंकेसाठी भारताचा मदतीचा हात, देणार ६६७० कोटी

डॉ.पद्मसिंह पाटील (Padamsinha Patil) सध्या प्रकृती अस्वस्थ्यामुळे सार्वजनिक कार्यक्रमापासुन दुर असतात. अगदी मोजक्याच कार्यक्रमांना त्यांची हजेरी पाहायला मिळते. २०१४ साली त्यांचा लोकसभेला (Osmanabad) पराभव झाल्यानंतर राजकीय जीवनापासुन ते अलिप्त झाले होते. एक प्रकारे त्यांनी राजकारणातुन निवृत्तीच घेतली होती. तब्येत हेच त्याचे महत्त्वाचे कारण सांगितले जात आहे. असे असले तरी निवडणुकाच्या काळात ते कार्यकर्त्यांच्या गाठीभेटी घेत असल्याचे पाहायला मिळाले होते. तसेच काही मोजक्या कार्यक्रमांना देखील त्यांची उपस्थिती असते. मात्र गेल्या दोन वर्षांपासून कोरोनाच्या संसर्गाचा विचार करता त्यांनी सार्वजनिक कार्यक्रमाला येण्याचे काही प्रमाणात टाळल्याचे दिसुन येत आहे. कोरोनाची लागण झाली असली तरी प्रकृती उत्तम असल्याची माहिती देण्यात आली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Maharashtra NewsOsmanabad
loading image
go to top