हट्टा पोलिसांनी दहा लाखाच्या कंटेनरसह १८ लाखाचा गुटखा पकडला

हट्टा (जिल्हा हिंगोली) : वसमत तालुक्यातील हट्टा पोलिसांनी परभणी ते हिंगोली जाणाऱ्या रस्त्यावर दहा लाख रुपये किमंतीच्या कंटेनरसह १८ लाख रुपये किमंतीचा गुटखा पकडून दोघांच्या विरोधात शनिवारी (ता. 29) पहाटे पावने पाचच्या सुमारास गुन्हा दाखल केला आहे.

याबाबत पोलिसांनी दिलेल्या माहितीनुसार परभणी हिंगोली रस्त्यावर राहुल पाटील काँलेज समोर  पहाटेच्या सुमारास एम एच ०४ एचवाय  ७९३७ आयशर मध्ये ज्याची किमंत दहा लाख रुपये यात पांढऱ्या गोण्यात १५ लाख १४ हजार २४० रूपयाचा चार बँग गुटखा यात प्रिमियर राजनिवास सुगंधित पान मसाला असे लेबल लावलेले  गुटख्याचे सिलबंद ५२   पँकेट .

हेही वाचा -  मराठवाड्यात मंगळवारपासून परभणीच्या खासदारांचे स्वाक्षरी मोहीम, कशासाठी ते वाचा... 

एकूण २८ लाख ७१ हजार १६८ हजाराचा ऐवज

तसेच लाल रंगाच्या तेरा  गोण्यात तसेच पांढऱ्या रंगाच्या चार बँग यात प्रिमियम एन पी जाफरानी जर्दा असे लेबल असलेले १० हजार ८१६ पँकेट ज्याची किमंत  तीन लाख ५६ हजार ९२८ असा  एकूण २८ लाख ७१ हजार १६८ हजाराचा ऐवज शासनाने प्रतिबंधीत केलेला माल घेऊन जात असताना गाडी चालक संजय मडावी व कैलास कादबाणे दोघे राहणार खडद ता. पुरंदर जि.पुणे व त्याचा मालक यांच्या विरोधात सहाय्यक पोलीस निरिक्षक गजानन मोरे यांच्या फिर्यादीवरून हट्टा पोलीस ठाण्यात गुन्हा दाखल केला आहे.

संपादन- प्रल्हाद कांबळे