गोरेगाव (जिल्हा नांदेड) : सेनगाव तालुक्यातील गोरेगाव येथील व्यापारी विजय महाजन यांची मुलगी ममता महाजन हीची श्रीलंका येथे होणाऱ्या इंटरनॅशनल टेनिस बॉल क्रिकेट स्पर्धेसाठी भारताच्या टिममध्ये निवड झाली आहे. तीच्या यशाबद्दल तीचे सर्वत्र अभिनंदन होत आहे.
महाराष्ट्रातुन केवळ दोनच महिला खेळाडुंची निवड या स्पर्धेसाठी झाली आहे. यामध्ये चंद्रपूरची एक व हिंगोली जिल्ह्यातील गोरेगावची ममता महाजन हीची भारताच्या टिममध्ये निवड झाली आहे. श्रीलंकेत पुढील महिण्यात आंतरराष्ट्रीय इंडो श्रीलंका टेनिस बॉल क्रिकेट स्पर्धा होणार आहेत.
ममता ही विदर्भ क्रिकेट असोसिएशनकडुन टेनिस बॉल क्रिकेट खेळत असते. नुकतीच विदर्भ टेनिस बॉल क्रिकेट असोसिएशनकडुन ममता ही उतराखंड हरिद्वार येथील स्पर्धेत खेळली आहे. ता. २३ ते २५ डिसेंबर दरम्यान या स्पर्धा पार पडल्या आहेत. स्पर्धेतील ममताचा खेळ पाहुनच तीची भारताच्या टिममध्ये निवड झाली आहे.
ममताने या पुर्वी अनेक स्पर्धेत भाग घेवुन आपल्या ऊत्कृष्ट खेळाचे प्रदर्शन केलेले आहे. दिल्ली, तामिळनाडू येथील स्पर्धेतही ममताने व्हिसिएकडुन चांगल्या खेळाचे प्रदर्शन केले होते. ममता फलदांजी, गोलदांजी व क्षेत्ररक्षणमध्ये तरबेज असल्याने ऑलराउंडर म्हणुन भारतीय टिममध्ये तीची निवड झाली आहे.
रिसोड जि. वाशिम येथुन जिल्हा स्तरावर चांगल्या खेळामुळे तीची विदर्भ असोसिएशनमध्ये निवड झाली होती. शुक्रवारी (ता. २५) डिसेंबर रोजी ममताची निवड भारताच्या ईंटरनशनल टिममध्ये झाल्याचे पत्र तिला प्राप्त झाले आहे. ममताचे वडील विजय महाजन व आई वंदना महाजन यांचा गोरेगाव येथे कापड व स्टेशनरीचा व्यवसाय असून पहिल्यापासुनच त्यांनी ममतातील खेळाडु वृत्तीस प्रोत्साहन दिले आहे. खेळाबरोबरच ममता ही वाणिज्य शाखेतुन पदवीचे शिक्षणही घेत आहे.
संपादन - प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
