जिल्ह्यातील उद्योग असे होणार सुरु 

नांदेड : ‘कोरोना’मुळे देशात अत्यावश्यक सेवा वगळता संपूर्ण देश लॉकडाऊन होता. या दरम्यान उद्योग, व्यवसाय ठप्प झाले होते. त्यामुळे शहरापासून ते ग्रामिण अर्थकारणाची चाके थांबली होती. थांबलेले हे उद्योगधंदे पुन्हा सुरु करण्यासाठी केंद्र व राज्य शासनाकडून सोमवारपासून (ता.२०) परवानगी दिली आहे. मात्र, नांदेड जिल्ह्यातील काही मोजकेच उद्योग व्यवसाय पूर्वपदावर येण्याचा प्रयत्न करत असल्याचे दिसून आले.

नांदेड जिल्ह्यातील ग्रामीण भागातील लघु व मध्यम उद्योग सुरु करण्यासाठी जिल्हाधिकारी डॉ. विपीन इटनकर यांनी सोमवारी परवानगी देण्यास सुरुवात केली आहे. जिल्ह्यात तीन टप्यात उद्योग सुरु होणार आहेत. शहरातील उद्योग व्यवसाय सुरु करण्यासाठी उद्योजकांना सोशल डिस्टन्‍सिंगच्या नियमांची पायमल्ली होणार नाही व कामगारांची राहण्याची किंवा ये - जा करण्यासाठी सुविधा कशा पद्धतीने पुरविली जाणार याबद्दल हमी पत्र दिल्यानंतर त्यांना उद्योग व्यवसाय सुरु करण्याची मुभा दिली जाणार आहे.

हेही वाचा- कोरोनाच्या लढ्यात डॉ. रमण गंगाखेडकर यांनी फडकवला नांदेडचा झेंडा...

अत्यावश्य सेवेची वाहतुक सुरु
दरम्यान, पहिल्याच दिवशी शेतीसाठी लागणारे औजारे साहित्याची दुकाने सुरु झाली होती. त्या शिवाय ग्रीन झोनमधील शहरामध्ये शिथिलता देण्यात आल्यामुळे जिल्ह्यातंर्गत अत्यावश्यक सेवा सुविधांची वाहतुक देखील सुरु झाल्याचे दिसून आले.

हेही वाचा- अहो...आमच्या शैक्षणीक भवितव्याचे काय?

उद्योगाची थांबलेली चाके पुन्हा रुळावर येणार
सुरुवातीपासूनच खाद्यतेल, दालमील, फ्लोअर मिल सुरु ठेवण्यात आला होत्या. परंतु सोमवारपासून शासनाचे काही उद्योग, व्यवसाय सुरु करण्याची परवानगी दिली आहे. त्यामुळे थांबलेली उद्योग व्यवसायाची चाके हळूहळू फिरण्यास सुरु झाली आहेत. त्यासाठी सर्वांनी कायद्याचे पालन करणे हे देखील महत्वाचे आहे.
- नरेश गोयंका, उद्योजक, नांदेड