जालना : जिल्ह्यात कोरोना लसीकरणाचा वेग वाढत आहे. आतापर्यंत तब्बल ४६ हजार ९७० जणांनी कोरोनाची लसी टोचून घेतली आहे. यामध्ये ४० हजार ९७ जणांनी पहिला तर सहा हजार ८७३ जणांनी दुसरा कोरोनाचा डोस घेतला आहे. जिल्ह्यात कोरोना रूग्ण संख्या झपाट्याने वाढत आहे. अशात जिल्हा प्रशासनासह आरोग्य यंत्रणेकडून कोरोना योद्धांसह फ्रंटलाइन वर्कर, ४५ ते ६० वर्षातील आनुषंगिक आजार असणाऱ्या व्यक्तींसह ६० वर्षां पुढील ज्येष्ठ नागरिकांना कोरोनाची लस दिली जात आहे.
या कोरोना लसीकरणास ता. एक मार्चपासून तिसरा टप्पा सुरू झाल्यानंतर गती मिळाली आहे. जिल्हा प्रशासनाकडून जिल्हा रूग्णालय, उपजिल्हा रुग्णालयासह काही खाजगी रुग्णालयांमध्ये कोरोना लसीकरणाची सुविधा उपलब्ध करून दिली आहे. त्यामुळे शासनाच्या नियमांनुसार २५० रुपयांमध्ये खाजगी रुग्णालयांमध्ये कोरोना लसीकरणाचा पात्र लाभार्थी नागरिकांना कोरोनाची लस दिली जात आहे. त्यामुळे कोरोना लसीकरणास वेग आली आहे.
शुक्रवारी (ता.१८) ९०१ जणांनी पहिला तर १८७ जणांनी दुसरा कोरोना लसीचा डोस घेतला. त्यामुळे आतापर्यंत जिल्ह्यात ४० हजार ९७ जणांना कोरोना लसीकरणाचा पहिला डोस घेतला आहे. त्यानंतर पहिला डोस घेऊन २८ दिवसांचा कालावधी लोटल्यानंतर पुन्हा दुसरा डोस घेणे गरजेचे आहे. त्यानुसार २८ दिवसानंतर कोरोना लसीकरणाचा पहिला डोस घेतलेल्या व्यक्तीला दुसरा कोरोनाचा डोस घेण्यास एसएमएस प्राप्त होते. जिल्ह्यात आतापर्यंत सहा हजार ८७३ जणांना कोरोनाचा दुसरा डोस घेतला आहे. त्यामुळे आतापर्यंत जिल्ह्यात ४६ हजार ९७० जणांनी कोरोना प्रतिबंधक लस टोचण्यात आली आहे. दरम्यान, प्रशासनाकडून कोरोना लसीकरणाचा वेग अजून वाढविण्याच्या तयारी आहे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.