जालना : पैसे दुप्पट करतो म्हणून गंडा घालणाऱ्या एकाला तालुका जालना पोलिसांनी अटक केली. रोशन खाँ जाफर खाँ पठाण (रा. मलकापूर, ता. सिंदखेडराजा) असे या संशयिताचे नाव आहे. त्याला न्यायालयाने गुरुवारी (ता. १२) १६ जूनपर्यंत पोलिस कोठडी सुनावली. .शहरातील मंठा चौफुली परिसरात नांदेड जिल्ह्यातील विठ्ठल सूर्यवाड (रा. हतराळ, ता. मुखेड) यांना एक भामट्याने ‘पैशांचा पाऊस पाडतो’ असे सांगून २६ डिसेंबर २०२४ रोजी १५ लाखांना गंडा घातला होता. या प्रकरणात भामट्याला मदत केल्याप्रकरणी तीन पोलिस कर्मचाऱ्यांची नावे पुढे आली होती. .मात्र, १६ जानेवारी २०२५ रोजी गुन्हा नोंदविताना फिर्यादीमध्ये पोलिस कर्मचाऱ्यांचा उल्लेख टाळण्यात आला. या प्रकरणात तालुका जालना पोलिसांनी सोहेल अशपाक खान याला अटक केली होती. त्याला जामीन देखील मिळाला आहे..त्यानंतर या प्रकरणातील दुसऱ्या संशयित रोशन खाँ जाफर खाँ पठाण याला बुधवारी (ता. ११) तालुका जालना पोलिसांनी शहरातून अटक केली. या संशयिताने फिर्यादी विठ्ठल सूर्यवाड यांच्याकडून रोख तीन लाख रुपये घेतले होते, असे पोलिस निरीक्षक संतोष साबळे यांनी सांगितले. दरम्यान, त्याला न्यायालयाने १६ जूनपर्यंत पोलिस कोठडी सुनावली. या प्रकरणात अधिक तपास तालुका जालना पोलिस करत आहेत..Jalna Scam: बंगले बांधले, गाड्या घेतल्या, दुकाने थाटली ; अतिवृष्टी अनुदान घोटाळ्यातील अधिकाऱ्यांचा पराक्रम,३५ कोटींचे अनुदान हडपले.मुख्य संशयिताला अटकपूर्व जामीनया प्रकरणात पैसे दुप्पट करणारा मुख्य संशयित अजिम खाँ शरीफ खाँ पठाण हा पोलिसांच्या हाती आला नाही. पोलिस त्याच्यापर्यंत पोचण्यापूर्वी न्यायालयातून अटकपूर्व जामीन घेतला आहे. परंतु, पोलिसांनी त्याला चौकशीसाठी हजर राहण्यास सांगितल्यानंतर तो चौकशीसाठी हजर झालेला नाही. त्यामुळे त्याचा जामीन रद्दचा प्रस्ताव पोलिसांकडून जाण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
