Leopard Terror: Two Leopards Spotted Roaming Near Lamangaon Hill in Khultabad
Sakal
टाकळी राजेराय : खुलताबाद तालुक्यातील लामणगाव गावाजवळील डोंगरात दोन बिबटे दिसल्यामुळे ग्रामस्थात भितीचे वातावरण निर्माण झाले आहे. शुक्रवारी (ता.०३) सायंकाळी पाच ते सहा वाजेदरम्यान गावाला खेटुन असलेल्या डोंगरात दोन बिबटे बिनधास्त फिरत असल्याचे रस्त्यावरुन जाणार्या येणार्या वाहनधारकांना व शेतात काम करणार्या शेतकर्यांना निदर्शनास आले. ते ढरकाळी फोडत डोंगर रांगेत फिरत असल्यामुळे अनेक जणांनी थांबुन ते आपल्या मोबाईल मध्ये कैद केले. यातील एक बिबट्या टाकळी शावाराकडे वळला तर दुसरा लामणगावाच्या दिशेने खाली उतरल्यामुळे भितीचे वातावरण निर्माण झाले आहे.
