आष्टी (जि.बीड) : आष्टी तालुक्यात नरभक्षक बिबट्याचा उच्छाद सुरूच असून आज गुरुवार (ता.तीन) सकाळी बिबट्याने तालुक्यातील सोलेवाडी परिसरात शेतकऱ्यावर हल्ला केला. विकास विठोबा झगडे (वय ६०) असे बिबट्याच्या हल्ल्यात जखमी झालेल्या शेतकऱ्याचे नाव आहे. सुदैवाने या हल्ल्यात त्यांचे प्राण वाचले. आष्टी तालुक्यातील सुरुडी येथे ता.२४ नोव्हेंबर रोजी बिबट्याने शेतकऱ्याचा तालुक्यातील पहिला बळी घेतल्यानंतर ता.२७ नोव्हेंबर रोजी किन्ही येथे बालकाचा बळी घेतला.
त्यानंतर शनिवारी (ता.२८) मंगरूळ येथे मायलेकावर हल्ला केला. या हल्ल्याच्या दुसऱ्या दिवशी रविवारी (ता.२९) बिबट्याने तालुक्यातील पारगाव जोगेश्वरी येथे सकाळी एका वृद्धेवर जीवघेणा हल्ला केला. त्यात ती गंभीर जखमी झाली. त्याच दिवशी सायंकाळी साडेसहाच्या सुमारास याच गावात बिबट्याने एका महिलेचा बळी घेतला. त्यामुळे परिसरात कोम्बिंग ऑपरेशन राबविण्यात येत आहे. आज सकाळी बिबट्याने हल्ला केलेले सोलेवाडी हे गाव आष्टीपासून पाच किलोमीटर अंतरावर आहे. पारगाव जोगेश्वरीपासून नऊ किलोमीटर अंतरावर आहे. त्यामुळे परिसरात खळबळ उडून आष्टीकरांचीही काळजी वाढली आहे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
