नातेवाईकाच्या लग्नला जाणे राहिले; अपघातात सासरा ठार, सून व नातू गंभीर जखमी

Beed Accident
Beed Accident

कडा  (जि.बीड) : नगर-धामणगाव बीड महामार्गावरील पाटण सांगवी शिवारात बुधवारी (ता.सहा) सकाळी साडेअकराच्या सुमारास दुचाकी व कारची समोरासमोर धडक झाली. यात एक ठार, तर दोनजण गंभीर जखमी झाले. जखमींना खासगी रुग्णालयात उपचारासाठी दाखल करण्यात आले आहे.

एकनाथ गोल्हार असे मृताचे नाव आहे. याबाबत पोलिसांनी सांगितले की, आष्टी तालुक्यातील कापशी येथील रहिवासी एकनाथ गोल्हार हे सून व नातवासोबत दुचाकीने (एमएच १६ एयू ३४१९) धामणगाव येथे नातेवाईकाच्या लग्नासाठी जात होते, तर नगर येथून बीडच्या दिशेने कार (एमएच ०६ एएफ २१९८) जात होती.

दोन्ही वाहनांची सकाळी साडेअकराच्या सुमारास धामणगाव शिवारात समोरासमोर धडक होऊन त्यात एकनाथ गोल्हार हे जागीच ठार झाले. सून व नातू हे गंभीर जखमी झाले आहेत. घटनेची माहिती मिळताच अंभोरा कडा व आष्टी पोलिसांनी घटनास्थळी धाव घेत जखमींना उपचारासाठी नगर येथे पाठविले. दरम्यान अपघातानंतर कारचालक पळून गेला. या प्रकरणाचा तपास अंभोरा पोलिस ठाण्याचे सहायक पोलिस निरीक्षक ज्ञानेश्वर कुकलारे हे करित आहेत.


 

Edited - Ganesh Pitekar

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com