Maratha Reservation : निर्णय होईपर्यंत माघार नाही - मनोज जरांगे पाटील

वडीगोद्री (जि. जालना) - ‘मुख्यमंत्री एकनाथ शिंदे यांनी आरक्षणाचा गुलाल अंगावर घेतला आहे. त्याचा अपमान होऊ देऊ नका. सरकारने अधिसूचना, मसुदा, ‘सगेसोयरे’ आदी निर्णयांची १५ फेब्रुवारीपर्यंत अंमलबजावणी करावी अन्यथा बेमुदत उपोषण मागे घेणार नाही, असा इशारा मनोज जरांगे यांनी सोमवारी अंतरवाली सराटी (ता. अंबड) येथे दिला.

जरांगे यांनी गेल्या शनिवारपासून (ता.१०) उपोषण सुरू केले आहे. आज उपोषणाचा तिसरा दिवस होता. अन्न, पाणी व वैद्यकीय उपचारांना त्यांनी नकार दिला आहे. अशक्तपणामुळे त्यांना उठता-बसता येत नाही. तरही ते उपोषणावर ठाम आहेत.

निर्णयांची अंमलबजावणी

करावी या मागणीसाठी बुधवारी ( ता.१४) महाराष्ट्र ‘बंद’ची हाकही समाजाने दिली आहे. ‘‘मी समाजाच्या पुढे जाणार नाही. घेतलेल्या निर्णयाची अंमलबजावणी समाजाने शांततेत करावी, अशी आपली इच्छा आहे,’ असे ते म्हणाले.