गेवराई - बीएएमएसचे दुस-या वर्षाचे शिक्षण घेत असलेल्या बीडमधील गेवराईच्या विद्यार्थ्याचा स्विमिंग पूलात बुडून मृत्यू झाल्याची धक्कादायक घटना काल सायंकाळी अकोल्यात घडली. सुरज सुनिल पानखडे (वय-२२) रा. राज पिंपरी, ता. गेवराई, जि. बीड असे या दुर्घटनेत मृत झालेल्या विद्यार्थ्याचे नाव आहे.
गत वर्षी सुरज याचा वैद्यकीय शिक्षणातील बीएएमएस पदवी यासाठी पात्र ठरल्याने चिखली(जि.बुलढाणा)येथील रामसिंग चुन्नीवाले आयुर्वेदिक महाविद्यालय प्रवेश घेतला.यंदा सुरज हा द्वितीय वर्षाचे शिक्षण घेत आहे.
काल सायंकाळी सुरज पानखडे व त्याचे काही साथीदार चिखली शहरातील क्रीडा संकुलातील स्विमिंग पूल येथे पोहण्यासाठी गेले होते.मात्र, यातील सुरज व अन्य एकाचा या पुलात बुडून मृत्यू झाल्याची धक्कादायक घडली.
सुरज याचा मृतदेह शवविच्छेदन केल्यानंतर आज राजपिंपरी येथे आणण्यात आलेला असल्याची माहीती मिळाली असून,सुरज पानखडे याच्या दुर्दैवी मृत्यूने राजपिंपरी गावात हळहळ व्यक्त होत आहे. सुरजच्या या धक्कादायक मृत्यूने त्याच्या आई-वडिलाचे स्वप्न ते स्वप्नच राहीले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.