नांदेड: माहूर मंडळात अतिवृष्टी

बालाजी कोंडे
गुरुवार, 16 ऑगस्ट 2018

माहूर तालुक्यात गेल्या बारा तासापासून मुसळधार पाऊस सुरू आहे. रात्रीपासून सुरू असलेल्या पावसामुळे कुठे नुकसान झाले आहे का याची माहीती मिळू शकली नाही.

माहूर : गेल्या अनेक दिवसापासून विश्रांती घेतलेल्या पावसाचे बुधवारी (ता.15) रात्री आठ वाजल्यापासून माहूर तालुक्यात जोरदार आगमन झाले आहे. माहूर मंडळांत 72 मिली मिटर एवढा पाऊस पडल्याने अतिवृष्टी झाली आहे. तर तालुक्यात 62 मि.मी.एवढा पाऊस पडल्याची नोंद झाली आहे.

माहूर तालुक्यात गेल्या बारा तासापासून मुसळधार पाऊस सुरू आहे. रात्रीपासून सुरू असलेल्या पावसामुळे कुठे नुकसान झाले आहे का याची माहीती मिळू शकली नाही.

माहूर तालुक्यात चार मंडळ आहेत. माहूर मंडळात- 72 मि.मी, वाई- 61 मि.मी, वानोळा- 56 मि.मी, सिंदखेड- 59 मि.मी. एवढा पाऊस पडला आहे.तालुक्यात बारा तासात 62 मिली मिटर एवढा पाऊस पडला आहे तर चारही मंडळात एकुण-248 मिली मीटर एवढा पाऊस पडला आहे.तालुक्यात आज पर्यंत एकुण -696.25 मिली मिटर पाऊस पडला आहे.

बुधवारी रात्री सुरू झालेला मुसळधार पाऊस गुरुवारी (ता.16) सुरूच आहे. तेव्हा पावसामुळे जनजीवन विस्कळीत होण्याची शक्यता आहे, तर शेतातील पिकाचे नुकसानही होवू शकते.

Web Title: Monsoon rain in Nanded Mahur

टॅग्स