दोन दुचाकींच्या धडकेत युवक ठार

उमरगा (जि. उस्मानाबाद) : दोन दुचाकींची समोरासमोर धडक होऊन झालेल्या एका युवकाचा मृत्यू झाला. तर एक ज्येष्ठ नागरिक गंभीर जखमी झाला. सोमवारी (ता. 27) दुपारी सव्वातीनच्या सुमारास राष्ट्रीय महामार्गावर दत्त कॉलनीकडे वळणाऱ्या प्रवेशद्वारासमोर ही घटना घडली.

हेही वाचा - बीडची मुलगी मैत्रिणीकडे गेली, पण परतलीच नाही...तो अज्ञात व्यक्ती कोण?

तालुक्‍यातील नागराळ (गुंजोटी) येथील विनायक प्रभाकर गावकरे (वय 55) हे दुचाकीने (एमएच- 13, बीएस- 4683) जात होते. याच दरम्यान भुसणी (ता. उमरगा) येथील शिवराज भीमाशंकर व्होनाजे (वय 25) हा युवक दुचाकीने (एमएच- 25, डब्ल्यू- 4588) समोरून येत होता. दोन्ही दुचाकींची समोरासमोर जोरदार धडक झाली. या अपघातात शिवराजच्या डोक्‍याला गंभीर दुखापत झाल्याने त्याना उपचारासाठी तत्काळ उपजिल्हा रुग्णालयात दाखल करण्यात आले; मात्र उपचारादरम्यानच त्याची प्राणज्योत मालवली. तर विनायक गावकरे यांची प्रकृती गंभीर असून, त्यांच्यावर उपचार सुरू आहे.

हेही वाचा - निवडणूक काळातील खर्चाची उड्डाणे, बीडमध्ये झाडाझडती

मृत युवक गावातच शेती करीत होता, तर जखमी विनायक हेही शेतीव्यवसाय करतात. दरम्यान, अपघातस्थळी पोलिस उपनिरीक्षक अमोल मालुसरे, हवालदार श्री. शिंदे यांच्यासह कर्मचारी दाखल झाले होते. याप्रकरणी रात्री उशिरापर्यंत गुन्हा दाखल करण्याची प्रक्रिया सुरू होती.