उस्मानाबाद : जिल्ह्यातील परंडा, भूम तालुक्यांतील काही भागांत मंगळवारी (ता.. २५) दुपारी एक वाजून ३७ मिनिटांनी गूढ आवाज झाला. या आवाजाने खिडक्यांची तावदाने हादरली. मोठा आवाज झाल्यानंतर परंडा शहरातील अनेक नागरिकांनी घराबाहेर धाव घेतली.
उस्मानाबाद जिल्ह्यात गेल्या दोन ते तीन वर्षांपासून गूढ आवाज होण्याचे प्रकार वाढले आहेत. हे आवाज नेमके कशामुळे होत आहेत, याचे कारण अद्यापही समोर आले नाही. मंगळवारी दुपारी एक वाजून ३७ मिनिटांनी परंडा शहरासह परिसरात जमिनीतून गूढ आवाज झाला. याशिवाय भूम तालुक्यातील ईट, पाथरुड, कळंब तालुक्यातील खामसवाडी भागांत हा आवाज झाला.
खामसवाडी (ता.. कळंब) परिसरात गूढ आवाजामुळे खिडक्यांची तावदाने हादरली. शाळेवरील पत्रे हादरल्याचे तेथील शिक्षकांनी सांगितले. भूम तालुक्यातील ईट, डोकेवाडी, गिरवली, पाथरुड, पाटसांगवी, जांब, वालवड परिसरात हा आवाज झाल्याचे ग्रामस्थांनी सांगितले.
परंडा शहरात दुपारी एक वाजून ३७ मिनिटांनी मोठा गूढ आवाज झाला. या गूढ आवाजाने घरातील लहान मुले, महिला नागरिक घराबाहेर आले. गेल्या अनेक दिवसांपासून तालुक्यात गूढ आवाजाची मालिका सुरुच आहे. हा आवाज नेमका कसा अन् का होतो, याचे गूढ कायम आहे.
नागरिक दैनंदिन कामांत दुपारच्या सुमारास व्यस्त असताना हा गूढ आवाज ऐकू आला. भूवैज्ञानिकांनाही या गूढ आवाजाचा उलगडा अद्याप झाला नाही. सतत अधूनमधून धडकी भरणारे गूढ आवाज होत आहेत.
खामसवाडीसह परिसरात मंगळवारी दुपारी झालेल्या गूढ आवाजाने घरातील खिडक्यांची तावदाने मोठ्याने हादरली असल्याचे ग्रामस्थ दिपक पाटील यांनी सांगितले. तसेच शाळेवरील पत्रे हादरल्याचे जगदंबा प्रशालेचे शिक्षक डिकले यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
