वसमत - औंढा नागनाथ ते नांदेड मार्गावर टोल नाक्याजवळ भरधाव वाहनाने धडक दिल्याने झालेल्या अपघातात एक जण ठार, तर एक जण गंभीर जखमी झाल्याची घटना गुरुवारी ता. १९ सायंकाळच्या सुमारास घडली आहे. .पोलिसांनी दिलेल्या माहितीनुसार, औंढा नागनाथ तालुक्यातील तामटीतांडा येथील राहूल चव्हाण (२५) व त्याचा मित्र राहुल पवार हे दोघे वसमत जवळील शेतात गेले होते. आज सायंकाळच्या सुमारास दोघेही औंढा नागनाथ ते नांदेड मार्गावर टोलनाक्याजवळ स्कुटी रस्त्याच्या बाजूला उभी करून बोलत उभे होते..यावेळी भरधाव वेगाने आलेल्या वाहनाने त्या दोघांना जोरदार धडक दिली. यामध्ये दोघेही गंभीर जखमी झाले. या अपघाताची माहिती मिळताच वसमत ग्रामीण पोलिस ठाण्याचे सहाय्यक पोलिस निरीक्षक गजानन बोराटे, उपनिरीक्षक एकनाथ डख, जमादार भगवान आडे, जय वहाडे, रामा लोखंडे, विभूते यांच्या पथकाने तातडीने घटनास्थळी धाव घेतली..पोलिसांनी दोघांनीही तातडीने उपचारासाठी वसमतच्या उपजिल्हा रुग्णालयात दाखल केले. मात्र वैद्यकिय अधिकाऱ्यांनी तपासणी करून राहुल चव्हाण याचा मृत्यू झाल्याचे जाहिर केले तर राहुल पवार याच्यावर उपचार सुरु करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
