किरकोळ वादातून एकाचा खून; दोघांना घेतले पोलिसांनी ताब्यात

नांदेड : देगलूर नाका भागातील एका युवकाच्या डोक्यात नाकावर व पायावर लाकडाने मारून निर्घृण खून करणाऱ्या दोघांना पोलिसांनी ताब्यात घेतले असून त्यांच्याविरुद्ध इतवारा पोलिस ठाण्यात गुन्हा दाखल करण्यात आला आहे. ही घटना मंगळवार 19 नोव्हेंबरच्या पहाटे एकच्या सुमारास देगलूर नाका भागात घडली.                          

याबाबत अधिक माहिती अशी की, देगलूर नाका भागात राहणारा शेख सुलेमान आपल्या नातेवाईकांना भेटण्यासाठी रुग्णालयातून घराकडे जात होता. यावेळी दोन अनोळखी युवकांनी त्याला रस्त्यात अडवून त्याच्या जवळील शंभर रुपये काढून घेतले. यातून पुढे वाद झाला. यानंतर मारेकऱ्यांनी वाद मिटविण्यासाठी आलेल्या युवकाच्या डोक्यात नाकावर लाकडाने जबर मार्ग वार केला यात गंभीर जखमी झाल्याने उपचारापूर्वीच त्याचा मृत्यू झाला. उपस्थित नागरिकांनी मारेकऱ्यांना पकडून ठेवून पोलीस फौजदार नंदकिशोर साळुंखे यांच्या ताब्यात दिले. याप्रकरणी इतवारा पोलीस ठाण्यात खुनाचा गुन्हा दाखल करण्याची प्रक्रिया सुरू होती.