उस्मानाबाद : जिल्ह्यात शनिवारी ६७ रुग्णांची वाढ झाली असून तीन जणांचा कोरोनाने बळी घेतला आहे. दिवसभरामध्ये १२३ रुग्ण बरे होऊन घरी गेले. त्यामुळे जिल्ह्यातील रुग्ण बरे होण्याचे प्रमाण ९१.१३ टक्के एवढे झाले झाले आहे. तर मृत्युदर हा ३.३८ टक्के इतका झाला आहे. आजपर्यंत ७५ हजार ६२१ नमुन्यापैकी १४ हजार १५४ जणांना कोरोनाची लागन झाली आहे. त्यामुळे जिल्ह्यात कोरोना होण्याचे प्रमाण १८.७२ टक्के इतके आहे.
जिल्ह्यात शनिवारी (ता.२४) आढळलेल्या ६७ रुग्णापैकी २७ जण आरटीपीसीआरद्वारे पॉझिटिव्ह आलेत. तर ४० जणांची अँटिजेन टेस्ट पॉझिटिव्ह आली आहे. ९५ जणांचे स्वॅब पाठविण्यात आले होते. त्यातील २७ जण पॉझिटिव्ह निघाले तर ६९८ जणांची अँटिजेन टेस्ट करण्यात आली त्यातील ४० जणांना कोरोनाची लागन झाल्याचे स्पष्ट झाले. त्यामध्ये उस्मानाबाद १८ , तुळजापुर चार, उमरगा सहा, लोहारा दोन, कळंब ११, वाशी १६ , भुम पाच, परंडा पाच अशी तालुकानिहाय रुग्णसंख्या आहे.
तीन मृत्यु
वाशी तालुक्यातील लाखनगाव येथील ४५ वर्षीय पुरुषाचा जिल्हा रुग्णालयात उपचारादरम्यान मृत्यू झाला. वाशी तालुक्यातील वासवंडी गावातील ४५ वर्षीय पुरुषाचा उपचारादरम्यान जिल्हा रुग्णालयामध्ये मृत्यू झाला. लोहारा तालुक्यातील तावशीगड येथील ८५ वर्षीय स्त्रीचा उमरगा येथील उपजिल्हा रुग्णालयामध्ये मृत्यु झाला आहे.
उस्मानाबाद कोरोना मीटर
(Edited By Pratap Awachar)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.