लाॅकडाऊनने घेतला बळी! भावनिक सुसाईडनोट लिहित सलून दुकान चालकाने केली आत्महत्या

उस्मानाबाद : दुकान बंद ठेवल्याच्या तणावातून नाभिक समाजाच्या मनोज झेंडे यांनी टोकाचे पाऊल उचलत स्वतः जीव दिला आहे. आत्महत्येपूर्वी चिठ्ठी लिहिली असुन त्यामध्ये त्यांनी कारण स्पष्ट केले आहे. सांजा (ता. उस्मानाबाद) गावातील मनोज झेंडे या नाभिक समाज बाधवाने सलुन दुकान बंद असल्याच्या तणावातून विष पिऊन आत्महत्या केली आहे. घरातील परिस्थिती हालाखीची असुन संपुर्ण दुकानावर कुटुंबाचा कुटुंबाचा उदरनिर्वाह चालत होता.

'पूर्णपणे लॉकडाऊनला पाठिंबा, मात्र इतरांना सूट दिल्यास उद्यापासून दुकाने उघडणार'

मधल्या काही दिवसांत शासनाने मिनी लॉकडाऊन व विकेंड लॉकडाऊन जाहीर केल्याने दुकाने बंद झाली होती. दुकान बंद झाल्याने व अगोदरच कर्जाचा बोजा असल्याने त्याचा प्रचंड ताण त्यांच्यावर होता. शनिवारपासून (ता.दहा) पुन्हा संपुर्ण लॉकडाऊनची चर्चा सूरु असतानाच त्यानी रविवारी (ता.११) स्वतः जीव दिला आहे. ही धक्कादायक बाब जिल्ह्यामध्ये वाऱ्यासारखी पसरली असुन समाजबांधवानी त्यांच्या कुटुंबाला आर्थिक मदत देण्याचीही मागणी केली आहे.

जिद्दीला सलाम! आजोबांनी ९२ व्या वर्षी कोरोनावर केली मात

चिठ्ठीमध्ये लिहिले कारण 
आत्महत्या करत आहे, यामध्ये कोणालाही दोषी धरु नये. मी माझ्या जीवाला कंटाळुन आत्महत्या करीत आहे. याच्यामध्ये माझ्या घरच्यांना त्रास देऊ नये. भावावर, पुतण्यावर, माझ्या बायका लेकरांवर आरोप करु नये, अशी कळकळीची विनंती त्यानी चिठ्ठीमध्ये लिहून केली आहे. कोरोनाला व गरिबीला कंटाळुन आत्महत्या करत असल्याचा उल्लेख त्यानी पुढे केला आहे. सरकारचा निर्णय चुकीचा असल्याचेही त्यांनी यामध्ये म्हटले आहे.
 

संपादन - गणेश पिटेकर