Pimpri Raja Accident: पिंप्री राजा गणेश मिरवणुकीत बेकाबू ट्रेलर घुसला; दोघांचा मृत्यू, सात जखमी, गावावर शोककळा

बाळासाहेब काळे

करमाड : पिंप्री राजा (ता. छत्रपती संभाजीनगर) येथे सोमवारी (ता. १४) रात्री आठच्या सुमारास गणेश आगमन मिरवणुकीत बेकाबू ट्रेलर घुसल्याने झालेल्या भीषण अपघातात दोघांचा मृत्यू, तर सात जण जखमी झाले. विठ्ठल रामभाऊ जाधव (वय ३८) आणि रमेश लहू बनसोडे (वय ४५, दोघेही रा. पिंप्री राजा) अशी मृतांची नावे आहेत.जखमींमध्ये गणेश सुरेश पवार (वय ३२) व त्यांचा सहा वर्षांचा मुलगा, प्रद्युम्न पाखरे (वय ३२, रा. पिंप्री राजा) आणि समाधान दादाराव सरोदे (वय २८, रा. डायगव्हाण, ता. छत्रपती संभाजीनगर) यांचा समावेश आहे. अन्य जखमींची नावे समजू शकली नाहीत.