हाफ चड्डीतील अधिकाऱ्याची गाडी पोलिसांनी पकडली अन् ...

file photo
file photo
Updated on

हिंगोली : येथील वाहतूक शाखेच्या पोलिसांनी शनिवारी (ता.१३) सकाळी ११.५० वाजता जिल्‍हाधिकारी कार्यालयातील एका मोठ्या हाफ चड्डीतील अधिकाऱ्याला अंबर दिवा लावलेल्या खासगी गाडीत पकडले. पोलिसांनी वाहनाची तपासणी केल्याने अधिकाऱ्याने धमकावल्याचा आरोप पोलिस कर्मचाऱ्यांनी केला आहे. 

या बाबत पोलिस उपनिरीक्षक एस. बी. अनमोड यांनी शहर पोलिस ठाण्यात तशी तक्रार दिली आहे. कोरोना प्रतिबंधक उपाययोजना बंदोबस्‍तासाठी श्री. अनमोड व वाहतूक शाखेचे कर्मचारी, होमगार्ड इंदिरा चौकात कर्तव्यावर होते. 

गाडीचे चालक हाफ चड्डीवर

या वेळी ११.५० वाजता अंबरदिवा लावलेली एमएच २३ एएस ७२२३ हे चारचाकी वाहन इंदिरा चौकात आले असता थांबविण्यात आले. यावेळी गाडीचे चालक हाफ चड्डीवर दिसून आले. गाडीच्या चालकाकडे सदर गाडी सरकारी आहे किंवा खासगी आहे, असे विचारले असता गाडी सरकारी नाही खासगी असल्याचे सांगितले.

पोलिस निरीक्षकांच्या कॅबिनमध्ये शिवीगाळ

 साहेब तुम्‍हाला खासगी वाहनावर अंबर दिवा लावता येत नाही, असे सांगितल्यानंतर तु मला नियम शिकविणार का ? असे उत्तर दिले. त्‍यानंतर पोलिस ठाण्यात गेलो असता पोलिस निरीक्षक श्री. सय्यद यांच्या कॅबीनमध्ये गेलो असता तेथेही शिवीगाळ केली. त्‍यांनतर सदर घटनेबाबत सदर नोंद घेतली. त्‍यानंतर पोलिस उपनिरीक्षक श्रीमती जगताप यांनी या घटनेची नोंद घेतली. 

कोणतेही चालन न करता सोडून दिले 

त्‍यावेळी ते अधिकारी आरडीसी श्री. सुर्यवंशी असल्याचे समजले. त्‍यानंतर अतिरीक्त पोलिस अधीक्षक श्री. काळे, उपविभागीय पोलिस अधिकारी श्री. वैजने यांनी हे प्रकरण मिटवून घ्या, असे सांगितले. त्‍यांचे वाहन कोणतेही चालन न करता सोडून दिल्याचे श्री. एस. बी. अनमोड यांनी दिलेल्या तक्रारी नमूद केले. 

मोटार वाहन कायद्याप्रमाणे खबर

कोणताही परवाना नसलेल्या स्‍वतःच्या खासगी चारचाकी वाहनावर अंबर दिवा लावून अरेरावीची भाषा करीत शिवगाळ करून तुला दाखवितो असे धमकावून कर्तव्यात अडथळा निर्माण केला म्‍हणून केंद्रीय मोटार वाहन कायद्याप्रमाणे खबर देत असल्याचे श्री. अनमोड यांनी दिलेल्या प्रथम खबरीत नमूद केले आहे. या बाबत श्री. अनमोड यांच्याशी संपर्क केला असता त्‍यांचा फोन बंद होता. 

रानडूकराच्या हल्‍ल्यात महिला जखमी

हिंगोली : तालुक्‍यातील सवड येथे शेतात काम करणाऱ्या एका महिलेवर रानडूकराने हल्‍ला करून जखमी केल्याची घटना शुक्रवारी (ता.१२) घडली. तालुक्‍यातील सवड येथील चंद्रभागाबाई चंद्रकांत जाधव (वय ५०) या त्‍यांच्या शेतात काम करीत होत्या. या वेळी शुक्रवारी दुपारी बाराच्या दरम्‍यान दबा धरून बसलेल्या रानडूकराने अचानक त्‍यांच्यावर हल्‍ला केला. 

मांडीला घेतला चावा

त्‍यांनी आरडा ओरड केल्याने परिसरातील शेतकरी धावून आल्याने रानडूकराने पळ काढला. रानडूकराने त्‍यांच्या मांडीला चावा घेतला आहे. सध्या शेतशिवारात पाऊस पडल्याने शेतकरी कामात गुंतला आहे. रानडूकराचा बंदोबस्‍त करावा अशी मागणी शेतकऱ्यातून केली जात आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com