जाफराबाद : प्रेमाच्या संबंधांतून सतत लग्न करण्याचा आणि दागिने देण्याचा तगादा लावल्याने एका पोलिस कर्मचाऱ्याने गुरुवारी (ता.13) रात्री विष प्राशन करून आत्महत्या केली. या प्रकरणी राजूर पोलिस चौकीतील महिला पोलिस कर्मचारी, तसेच अन्य पोलिसावर जाफराबाद पोलिस ठाण्यात शुक्रवारी (ता.14) गुन्हा दाखल करण्यात आला आहे.
बुलडाणा पोलिस मुख्यालयाअंतर्गत कार्यरत विष्णू रामराव गाडेकर (वय 35, ह.मु.देऊळगावराजा, मुळ रा.सवासणी, ता.जाफराबाद) असे आत्महत्या केलेल्या पोलिस कर्मचाऱ्याचे नाव आहे. याबाबत विष्णू यांच्या पत्नी अनिता पोलिसांत फिर्याद दिली.
त्यानुसार विष्णू गाडेकर यांची राजूर पोलिस चौकीत कार्यरत एका महिला कर्मचारीसोबत गेल्या काही वर्षांपासून ओळख होती. या ओळखीतून दोघांत प्रेमसंबंध निर्माण झाले. त्यातच या महिला कर्मचाऱ्याने विष्णू यांच्याकडे लग्न करण्याचा तगादा लावला, तसेच दागिने करण्याची मागणी केली. संशयित महिला कर्मचाऱ्यासोबतच संशयित प्रशांत उबाळे यानेही तिला साथ दिली.
विष्णू यांनी लग्नाला विरोध केल्याने मुलीसह ठार मारण्याची धमकी दिली. या सततच्या तगाद्याला कंटाळून विष्णू यांनी गुरुवारी रात्री विष प्राशन केले. ही बाब कळताच त्यांना तत्काळ जालन्याच्या सामान्य रुग्णालयात हलविण्यात आले. मात्र तेथे डॉक्टरांनी तपासून मयत जाहीर केले.
या प्रकरणी अनिता विष्णु गाडेकर यांच्या फिर्यादीवरुन संशयित महिला पोलीस कर्मचारी आणि प्रशांत ऊबाळे यांच्याविरुध्द जाफराबाद पोलिस ठाण्यात गुन्हा दाखल करण्यात आला आहे. याप्रकरणी ठाणे अंमलदार किशोर मोरे यांनी गुन्हा नोंदवला असुन पुढील तपास सहाय्यक पोलीस निरीक्षक अभिजित मोरे हे करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
