नांदेड : कॉंग्रेसचे कार्यकर्ते गोविंद कोकुलवार यांच्यावर केलेल्या प्राणघातक हल्यातील आरोपींवर मोक्का अंतर्गत गुन्हा दाखल करण्यात आला होता. या प्रकरणी अटक पाच आरोपीना औरंगाबाद मोक्का न्यायालयाचे न्यायाधिश श्री. भोसले यांच्या न्यायालयात मंगळवारी (ता. १०) डिसेंबर रोजी हजर केले असता त्यांनी सात दिवसाची पोलिस कोठडी सुनावली.
इतवारा पोलिस ठाण्याच्या हद्दीत चौफाळा परिसरातील विणकर कॉलनीत कॉग्रेसचे कार्यकर्ते गोविंद कोकुलवार यांचे संपर्क कार्यालय आहे. ते आपल्या कार्यालयात बसण्यासाठी गेले त्यांच्यावर गोळीबार करण्यात आला होता. यात ते गंभीर जखमी झालेले आहेत. या प्रकरणी इतवारा पोलिस ठाण्यात प्राणघातक हल्ला, भारतीय हत्यार कायद्यासह महाराष्ट्र संघटीत गुन्हेगारी नियंत्रण अधिनियमासह विविध कलमान्वये गुन्हा दाखल केला. पोलिस अधिक्षक विजकुमार मगर आणि अतिरिक्त पोलिस अधिक्षक दत्ताराम राठोड यांच्य मार्गदर्शनाखाली तपास उपविभागीय पोलिस अधिकारी धनंजय पाटील करीत आहेत.
हेही वाचा- नांदेड एक्स्ट्रा ‘टॉनीक’ देणारे शहर
हे आहेत आरोपी
यातील बजरंग उर्फ यौध्दा भिमराव नरवाडे (वय ३६) रा. अंबाळा (ता. हदगाव), राजू देवराव राऊत (वय २३) रा. बारड (ता. मुदखेड) ह. मु, बेलानगर, नांदेड, गुरूचरणसिंग उर्फ लक्की संपूर्णसिंग गील (वय ३०) रा. अबचलनगर, सय्यद नजीदोद्दीन उर्फ गुड्डू सय्यद मुनीरोद्दीन (वय ३८) रा. आसरा नगर आणि सुभाष मोहण पवार (वय ४२) रा. बरडशेवाळा (ता. हदगाव) यांना अटक केली. हे फरार कुख्यात असलेल्या हरविंदरसिंग उर्फ रिंदा संधु याच्या सांगण्यावरून शहरातील व्यापाऱ्यांना पिस्तुलचा धाक दाखवूनखंडणी उकळत असत. एवढेच नाही तर त्यानी काहीवर गोळीबारसुध्दा केला होता. या पाच आरोपींना मंगळवारी उपविभागीय पोलिस अधिकारी धनंजय पाटील यांनी औरंगाबादा न्यायालयसमोर हजर केले असता न्यायाधिश श्री. भोसले यांनी त्यांना सात दिवसाच्या पोलिस कोठडीत पाठविले आहे.
ही लिंक उघडा - (व्हिडीओ पहा) आरटीओमुळे परभणीत 350 शालेय वाहने बंद
गुन्हेगारांना सोडणार नाही
शहरात व्यापाऱ्यांना पिस्तुलचा धाक दाखवून खंडणी मागणाऱ्या किंवा त्यांच्यावर प्राणघातक हल्ला करणाऱ्या सराईत गुन्हागारांची धरपकड सुरू केली. त्यामुळे अनेक गुन्हेगार जिल्हा सोडून भुमिगत झाले. तर अनेकांना पोलिसांनी अटक केली. त्यातील अनेकजण मोक्काअंतर्गत कारागृहाची हवा खात आहेत. गोविंद कोकुलवार गोळीबार प्रकरणातील पाच जणांना नुकतीच पोलिस कोठडी मिळाली आहे. शहरात गोळीबाराच्या व दुचाकी, मोबाईल चोरीच्या घटनांवर प्रतिबंध आला असून पोलिसांची गस्त वाढविण्यात आली आहे. रात्री नाकाबंदी करून संशयीतांना ताब्यात घेण्यात येत आहेत. नांदेडकरांनी निर्भयपणे आपला व्यवहार करावा असे आवाहन केले आहे.
विजयकुमार मगर, पोलिस अधिक्षक, नांदेड जिल्हा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
