बीडला बंदोबस्तासाठी निघालेल्या पोलीस उपनिरीक्षकांच्या गाडीला कारने उडवले; पोलीस जागीच ठार, एकजण गंभीर जखमी

हा अपघात आज, रविवारी (ता. ७) सकाळी पावणेसातच्या सुमारास येथील कालिंका मंगल कार्यालयाजवळ झाला.
Accident on Neknoor Road Beed
Accident on Neknoor Road Beedesakal
Summary

या अपघाताबाबत नेकनूरमध्ये हळहळ व्यक्त होत आहे. याबाबत अधिक तपास नेकनूर पोलीस (Neknoor Police) करत आहेत.

नेकनूर : नेकनूरमधून बीडला बंदोबस्तासाठी निघालेल्या पोलीस उपनिरीक्षकांच्या (Sub-Inspector of Police) मोटरसायकलीला भरधाव कारने उडवले. यामध्ये मच्छिंद्र नन्नवरे (Machindra Nannaware) यांचा जागीच मृत्यू झाला, तर रमेश नागरगोजे हे गंभीर जखमी झाले आहेत.

हा अपघात आज, रविवारी (ता. ७) सकाळी पावणेसातच्या सुमारास येथील कालिंका मंगल कार्यालयाजवळ झाला. याबाबत अधिक माहिती अशी, नेकनूरचे रहिवासी व सध्या दिंद्रुड पोलीस स्टेशनला कार्यरत असलेले पोलीस उपनिरीक्षक मच्छिंद्र श्रीधर नन्नवरे व सिरसाळा पोलीस स्टेशनला पोलीस उपनिरीक्षक म्हणून कार्यरत असलेले रमेश धोंडीराम नागरगोजे हे बीडमध्ये बंदोबस्तासाठी होते.

Accident on Neknoor Road Beed
Ashadhi Wari : पंढरपुरात राजकीय वातावरण तापलं! राहुल गांधी-शरद पवारांना निंबाळकरांचा विरोध; मोहिते-पाटलांच्या निमंत्रणावरून मोठा वाद

शनिवारी हे दोघे ही मित्र नेकनूर येथे आले होते. आज सकाळी बीडकडे बंदोबस्तासाठी आपल्या मोटरसायकलीवरुन (क्रमांक एमएच २३ एके ९३९७) निघाले होते. घरून केवळ दोन किलोमीटर अंतरावर असलेल्या कालिंका मंगल कार्यालयाजवळ पोहोचले असता, मांजरसुंबाकडून नेकनूरच्या दिशेने येणाऱ्या भरधाव स्विफ्ट कारने (एमएच २३ बीसी २१०८) त्यांना रॉंग साईडला जाऊन जोराची धडक दिली. यामध्ये दोघेही मोटरसायकलवरून खाली पडले व कार रस्त्याच्या कडेला जाऊन खड्यात पडली.

यामध्ये मच्छिंद्र नन्नवरे यांचा जागीच मृत्यू झाला, तर रमेश नागरगोजे गंभीर जखमी झाले. त्यांना बीड येथील रुग्णालयात दाखल करण्यात आले आहे. या अपघाताबाबत नेकनूरमध्ये हळहळ व्यक्त होत आहे. याबाबत अधिक तपास नेकनूर पोलीस करत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com