पोस्टमनमार्फत कोणत्याही बँकेतील पैसे काढता येणार

नांदेड : कोरोनाने देशात थैमान घातल्याने लोकडाऊन जाहीर करण्यात आल्यामुळे ग्रामीण भागातील नागरिकांना मोठ्या आर्थिक संकटाला तोंड द्यावे लागत आहे.

सरकार, संस्था, समाजसेवक हे अन्नधान्य वाटप करीत आहेत. ग्रामीण भागातून बाहेर गावी बँकेला  जाण्यासाठी सर्व मार्ग बंद आहेत. सतत शासकीय सुट्या असल्याने बँका बंद आहेत. अशा परिस्थितीत  पैसे नसल्याने जिल्ह्यातील सर्व नागरिकांना मोठ्या संकटाला सामोरे जावे लागत आहे.

हेही वाचा -  उत्पादन शुल्कने पकडली सहा लाखाची दारु

पोस्टमनला आधार कार्ड दाखवून एका व्यक्तीला रुपये दहा हजार 

भारतीय डाक विभागा तर्फे AEPS म्हणजे आधार लिंक पेमेंट सिस्टीमच्या माध्यमातून इंडिया पोस्ट पेमेंट बँकेमार्फत ग्रामीण व शहरातील नागरिकांना जनधन, निराधार, अपंग, अंध लाभार्थी, बँकेचे बचत खाते, गैस अनुदान, जेष्ठ नागरिक पेन्शन, रोजगार हमी योजना लाभार्थी AEPS मार्फत मोठा लाभ घेत असल्याचे चित्र ग्रामीण भागात दिसून येत आहे. डाक अधिक्षक शिवशंकर लिंगायत यांनी सांगितले.
नागरिकांनी AEPS आधार लिंकद्वारे पोस्ट ऑफिस किंवा पोस्टमनला आधार कार्ड दाखवून एका व्यक्तीला रुपये दहा हजार रुपये पर्यंतचे पैसे काढू शकतो.

डाक अधीक्षक शिवशंकर लिंगायत यांचे आवाहन 

हे बायोमेट्रिकने प्रत्येकाच्या घरोघरी जाऊन पोस्टमन ही सुविधा उपलब्ध करुन देत आहे. डाक अधीक्षक शिवशंकर बी लिंगायत यांनी सांगितले की ही सुविधा पहिलेपासून सुरू आहे. पण यांचा लाभ लॉकडाऊनमध्ये मोठ्या प्रमाणात नागरिक घेत आहेत.

येथे क्लिक करा - Video :  रिकामटेकड्यांना माकड उड्यांची अनोखी शिक्षा

बँक खात्याला आधारकार्ड लिंक असणे आवश्यक 

या AEPS द्वारे बँक खाते ग्राहकांनी पोस्टमनमार्फत पैसे उचलून घेऊ शकता. यासाठी ग्राहकांचे खाते आधार लिंक असणे जरुरी आहे. ग्राहकांनी पोस्टमनला आधार क्रमांक व मोबाईल क्रमांक देने गरजेचे आहे. पोस्टमन बायोमेट्रिक सिस्टीमवर ग्राहकांचा अंगठा लावला की ताबडतोब एक माहिती अंक क्रमांक मोबाईल वर येतो त्यानंतर पोस्टमन आपल्याला आपल्या गरजेप्रमाणे पैसे सांगितल्यास तो पैसे काढून देतो.
ग्राहकाचे खाते पोस्टात नसेल तरी यांचा लाभ आपल्याला घेता येतो.
या सुविधासाठी लाभ घेण्यासाठी पैसे असणे गरजेचे नाही. आपले खाते बँकेत असणे गरजेचे आहे व त्या खात्याला आधार लिंक असल्यास याचा लाभ घेऊ शकतो.