अल्पवयीन मेव्हणीसोबत अश्लिल चाळे

नांदेड : 'तुझे चुलते गावाला गेले असून तुला घ्यायला मला पाठवले आहे' असे सांगून मोटारसायकलवर बसवून बोधन येथील रुमवर अल्पवयीन मेव्हणी सोबत भाऊजीनेच कुकर्म केल्याची घटना घडली असून. पिडीतेच्या फिर्यादीवरुन नायगाव पोलिस ठाण्यात या भाऊजीविरुध्द गुन्हा नोंद करण्यात आला आहे.

पोलिस सुत्रांकडून मिळालेल्या माहितीनुसार आरोपी हा नायगाव तालुक्यातील राहेर येथील असून तो सध्या तेलंगणातील बोधन येथे सुतारकीचे काम करतो. पिडीत अल्पवयीन मुलीच्या बहीणीसोबतच याचा विवाह झाला आहे. पण काही दिवसांपूर्वी आरोपीची पत्नी आजारी असल्याने तीला बिलोली तालुक्यातील खपराळा येथे पाठवून दिल आहे.

पिडीत मुलगी ही आरोपीची सख्खी मेव्हणी असून ती नायगाव येथे आपल्या चुलत्याकडे राहते आणि सध्या ती बारावीत शिकत आहे. मात्र पाच जुलै रोजी सकाळी अकरा च्या दरम्यान आरोपी मोटारसायकल घेवून काॅलेज जवळ गेला आणि अल्पवयीन असलेल्या आपल्या मेव्हणीला तुझे चुलते गावाला गेले आसून तुला घ्यायला मला पाठवले आहे असे सांगितले.

भाऊजीच असल्याने मेव्हणी मोटारसायकलवर बसून सोबत निघाली. गावाकडे जायचे म्हणून अगोदर दुगाव पाटी, कुंभरगाव महादेव मंदिर, नंतर तेलंगणातील सारंगपुर आणि सायंकाळी बोधन येथील आपल्या खोलीवर घेवून गेला. गावाकडे न जाता बिलोलीकडे मोटारसायकल घेवून जात असतांना पिडीतेने विरोध केला पण गप्प बस नाही तर तुझ्या बहीणीला संपवून टाकण्याची धमकी दिली. तोंड ओढणीने बांधून कुकर्म केला आणि सहा जुलै रोजी खपराळा येथे सोडून दिल्याची घटना घडली.

चक्क भावजीनेच लहान बहीणीसारख्या असलेल्या अल्पवयीन मेव्हणीसोबत बळजबरी केल्याने पुर्ण कुटुंबच हादरुन गेल होत. मात्र पिडीतेच्या बहीणीने आपल्या संसाराचे काहीही होवो पण कुकर्म करणाऱ्याला शिक्षा मिळाली पाहीजे असे सांगून कुटुंबाला धिर दिला. नऊ जुलैला नायगाव पोलिस ठाण्यात तक्रार दिली. या तक्रारीवरुन बलात्कारासह पोस्को कायद्यानुसार गुन्हा नोंद करण्यात आला असून आरोपीस अटक करण्यात आली आहे.