जालना-खामगाव रेल्वेसाठी साडेतीन कोटींचा निधी : रावसाहेब दानवे | Raosaheb Danve | Sakal
sakal

बोलून बातमी शोधा

Raosaheb Danve
जालना-खामगाव रेल्वेसाठी साडेतीन कोटींचा निधी : रावसाहेब दानवे

जालना-खामगाव रेल्वेसाठी साडेतीन कोटींचा निधी : रावसाहेब दानवे

जालना : ब्रिटिश काळापासून मागणी होत आलेल्या जालना-खामगाव रेल्वेमार्गाच्या अंतिम सर्वेक्षणासाठी साडेतीन कोटी रुपये दिल्याची महिती केंद्रीय रेल्वे राज्यमंत्री रावसाहेब दानवे यांनी जालना येथे पत्रकारांशी बोलताना दिली आहे. जालना येथून रविवारी (ता.दोन) जालना-जोरहाट किसान रेल्वे व नांदेड-जालना-हडपसर या दोन नवीन रेल्वेला केंद्रीय रेल्वे राज्यमंत्री रावसाहेब दानवे यांनी हिरवा झेंडा दाखवून सुरवात केली. यावेळी आरोग्य मंत्री राजेश टोपे, आमदार कैसाल गोरंट्याल, नारायण कुचे, विक्रम काळे, नगराध्यक्षा संगीता गोरंट्याल, भाजप जिल्हा उपाध्यक्ष भास्कर दानवे आदींची उपस्थिती होती. या वेळी केंद्रीय रेल्वे राज्यमंत्री रावसाहेब दानवे (Raosaheb Danve) म्हणाले, की जालना-खामगाव (Jalna) हा रेल्वेमार्ग व्हावा अशी मागणी ब्रिटिश (British) काळापासून होत आहे. या रेल्वेमार्गाचे तीन वेळा सर्वेक्षण करण्यात आले. हा रेल्वेमार्ग रेल्वेसाठी उत्पन्नाचा नाही असे अहवाल आले होते. (Raosaheb Danve Said, Three And Half Crores Fund For Jalna Khamgaon Railway Survey)

हेही वाचा: उणी-दुणी काढण्यापेक्षा केंद्रातून निधी आणावा, अजित पवारांचा राणेंना सल्ला

मात्र, या रेल्वेमार्गाचे पुन्हा एकदा अंतिम सर्वेक्षण करण्याचा निर्णय घेण्यात आला असून या सर्वेक्षणासाठी साडेतीन कोटी रूपयांचा निधी देण्यात आला आहे, असे दानवे यांनी सांगितले. शिवाय जालना येथे जालना-जोरहाट किसान रेल्वे सुरू करण्यात आली असून जालना येथील शेतमाल इतर राज्यात घेऊन जाण्यास मदत होणार आहे. विशेष म्हणजे या रेल्वेने शेतमालाच्या भाड्यामध्ये पन्नास टक्के सवलत दिली जाणार आहे. तसेच मराठवाड्यातून रोज चारशे ते साडेचारशे ट्रॅव्हल्स पुणे येथे जातात. त्यामुळे पुण्यासाठी रेल्वे सुरू करण्यासाठी अधिकाऱ्यांशी चर्चा करून नियोजन केले आणि आज नांदेड-जालना-हडपसर रेल्वे सुरू करण्यात आल्याचे केंद्रीय रेल्वे राज्यमंत्री दानवे यांनी यावेळी सांगितले.

हेही वाचा: उस्मानाबाद, लातूर, बीड जिल्ह्यात 'येळवस' उत्साहात साजरी

तसेच मुंबई-नागपूर बुलेट ट्रेनच्या सर्वेक्षणाचे काम सुरू असून या रेल्वेसाठी किती खर्च लागेल. या मार्गावर कुठे स्थानक करावे, किती जागा लागेल याचा अंदाज घेणे सुरू असून 38 टक्के जागा घ्यावी लागणार आहे. उर्वरित जगा ही राज्य सरकारकडे असून राज्य शासनाशी या संदर्भात चर्चा केली जाणार आहे, असे केंद्रीय रेल्वे राज्यमंत्री दानवे यांनी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Raosaheb Danve
loading image
go to top