राशिभविष्य : तुमची रास सिंह, मकर किंवा मीन आहे का... मग येत्या शनिवारी

टीम ई सकाळ
Wednesday, 20 May 2020

शनिवार हा शनिमहाराजांचा विशेष दिवस आहे. तसेच यमराज हा शनिमहाराजांचा भाऊ आणि यमुना ही बहीण आहे. तुमची रास सिंह, मकर किंवा मीन असेल, तर येत्या शनिवारपर्यंत तुमच्या आयुष्यात नक्कीच काहीतरी खास घडणार आहे. 

ज्योतिष शास्त्रामध्ये शनिला मोठे महत्त्व आहे. अनेक शनिभक्त शनिशिंगणापूरला येऊन दर्शन घेतात. दर शनिवारी शनीच्या मूर्तीवर तेल वाहतात. पीडा हरणासाठी अजून काय नाना उपाय करतात.

वेदमूर्ती ज्योतिषाचार्य अनिल गोसावी यांनी शनीच्या सध्याच्या ग्रहदशेबद्दल काही खास गोष्टी सांगितल्या आहेत.

ज्योतिषाचार्य अनिल गोसावी म्हणतात, की शनिमहाराज हे सर्व ग्रहांमध्ये न्यायाधीश आहेत. जे चांगले कार्य करतात, त्यांना शनी चांगले फळ देतो. जे वाईट कृत्ये करतात, त्यांना शनी शिक्षा देतो.

ग्रहराज शनिमहाराज हे सूर्य आणि छाया यांचा मुलगा आहेत, अशी श्रद्धा आहे. शनिवार हा शनिमहाराजांचा विशेष दिवस आहे. तसेच यमराज हा शनिमहाराजांचा भाऊ आणि यमुना ही बहीण आहे. तुमची रास सिंह, मकर किंवा मीन असेल, तर येत्या शनिवारपर्यंत तुमच्या आयुष्यात नक्कीच काहीतरी खास घडणार आहे. 

जाणून घ्या -  नऊ टक्के भागात कोरोना व्यापला तरीही... 

सिंह : तुमची आर्थिक वृद्धी होणार आहे. आपण मुळातच एक उत्तम नेतृत्वगुणांचे धनी आहात. भारदस्त व्यक्तिमत्व व सात्विक वृत्ती ही आपली ओळख असते. गेल्या काही महिन्यांत तुम्हाला अनेक कामांमध्ये अडथळे व अपयश आले. परंतु तुम्ही त्यावर मात केलीत. आता मात्र त्यावेळी केलेल्या प्रयत्नांची चांगली फळे तुम्हाला मिळणार आहेत.

या आठवड्याच्या अखेरपर्यंत काही ना काही आर्थिक वृद्धी होईल. स्थावर इस्टेटीचे प्रश्न मार्गी लागतील. तसेच बराचसा ओढा अध्यात्माकडे राहील. अचानक धनलाभाचेही योग आहेत. नोकरी/व्यवसायात वृद्धी होईल. नवीन कल्पना सुचतील. त्या अंमलात येतील व त्यात यशही मिळेल.

हेही वाचा : चिमुकल्यांनी जोडलेले हात करतात अस्वस्थ

मकर : साडेसाती आहे, त्यामुळे अखंड सावधान राहा, असेच म्हणावे लागेल. आपला स्वभाव काहीसा भावनिक असला, तरी धीरगंभीर, शिस्तप्रियही आहे. 
त्यामुळेच कदाचित लोकांचे आपल्याबद्दल प्रचंड गैरसमज आहेत. त्यात साडेसाती आली आहे. त्यामुळे मानसिक क्लेश खूप संभवतात.

कमालीचा एकांतवास जाणवेल. त्यामुळे आपणच शांतता, संयम ठेवावा. जिभेवर पूर्णपणे नियंत्रण ठेवावे. लेखक असाल, तर एखादी सुंदर कलाकृती आपल्याकडून लिहिली जाईल. पती/पत्नीने एकमेकांना समजून घेणे आवश्यक आहे. कायदा मोडू नका. नाही तर अटक होण्याचे योग आहेत. पण या शनिवारपर्यंत अविवाहितांच्या आयुष्यात नक्कीच सकारात्मक निर्णयांची भर पडेल. त्यामुळे मन प्रसन्न होईल. 

हेही वाचा : पद्धतशीर दृष्टीकोन ठेऊन लाॅकडाऊन उठवु शकतो - उद्योजक सुनील किर्दक 

मीन: कोणतेही कारण नसताना आपणाकडून नुकसान होऊ शकते. वास्तविक आपल्याला हुशारी व धूर्तपणा हे गुण मुळातच मिळाले आहेत. त्यामुळे फार नुकसान होणार नाही.

दक्षता घ्या. नोकरी/व्यवसायात दीर्घकालीन एखादी अडचण उभी राहू शकते. आरोग्याची काळजी घ्या. डॉक्टरांना निदान होण्यास अडचणी निर्माण होतील. विवाह ठरविताना काळजी घेणे आवश्यक आहे. तसेच आपली फसवणूक होणार नाही, याची दक्षता घ्यावी.

पण शनिमहाराज हे न्यायाचे पाईक असणाऱ्यांच्या कायम पाठिशी राहिले आहेत. त्यांच्या उपासनेचे चांगले फळ तुम्हाला मिळू शकते. मात्र, कुठल्याही अंधश्रद्धे्च्या आहारी जाऊ नका. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: RashiBhavishya Of Leo Capricorn And Pisces Astrology Horoscope News