नांदेड : शहरातील हॉटेलवर गेलेल्या एका प्राध्यापकाला नाष्टा चांगलाच महागात पडला. त्यांनी बँकेतून काढलेली एक लाख रकमेची बॅग अज्ञात चोरट्यांनी लंपास केली. ही घटना मंगळवारी (ता. 15) दुपारी साडेचारच्या सुमारास हदगाव शहरात घडली.
हदगाव येथील दत्त कला, वाणिज्य महाविद्यालयातील प्राध्यापक गुलाब आनंदराव मोरे यांनी आपल्या बँक खात्यातून एक लाक रुपये काढले. रस्त्यावरून जातांना ते रविकिरण हॉटेलवर काही नाष्टा करण्यासाठी थांबले. हॉटेलच्या गल्ल्यावर एक लाख रुपये असलेली बॅग ठेवली. हॉटेलचालकास ते बोलत असतांना त्यांची नजर चुकवून अज्ञात चोरट्याने टेबलवर ठेवलेली बॅग लंपास केली.
टेबलवर पहाताच बॅग दिसली नसल्याने त्यांना चांगलाच घाम फुटला. त्यांनी तेथे उभ्या असलेल्या काही व्यक्तीना विचारणा केली. मात्र बॅग चोरणारा तोपर्यंत पसार झाला. रात्री उशिरा प्राध्यापक गुलाब मोरे यांच्या फिर्यादीवरुन हदगाव पोलिस ठाण्यात अज्ञात चोरट्याविरुध्द चोरीचा गुन्हा दाखल करण्यात आला आहे. तपास फौजदार मोरे करित आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.