पेट्रोलसाठी पैसे न दिल्याने मुलाचा राग अनावर, जन्मदात्या आईचा आवळला गळा

जालना : पेट्रोलसाठी पैसे न दिल्याने संताप अनावर झालेल्या मुलाने जन्मदात्या आईचा गळा आवळून जीवे मारण्याचा प्रयत्न केल्याची घटना जालना (Jalna) येथील लालबाग परिसरात घडली आहे. मुलाविरुद्ध सदर बाजार पोलिस ठाण्यात गुन्हा दाखल करण्यात आला आहे. राजू कचरु दाभाडे असे त्या मूलाचे नाव आहे. गुरुवारी (ता.१७) संध्याकाळी इंदूबाई दाभाडे या घरात बसलेल्या होत्या. मुलगा राजू दाभाडे याने बाहेर जायचे सांगून गाडीत पेट्रोल टाकण्यासाठी आईकडे पैसे मागितली.(Son Attempted To Kill Mother In Jalna)

इंदूबाई यांनी पैसे देण्यास नकार देताच राजू याने त्यांना शिवीगाळ केली व दोरीच्या साहाय्याने गळा आवळून जीवे मारण्याचा प्रयत्न केला. या प्रकरणी गुन्हा दाखल करण्यात आला असून पोलिस (Police) उपनिरीक्षक आर.सी.वाघ तपास करित आहेत.