तुळजापूर-लातूर रस्त्यावर शिवशाही बस व ट्रकचा अपघात, सहा जण जखमी

तुळजापूर (जि.उस्मानाबाद ) : तुळजापूर-लातूर रस्त्यावर ट्रक आणि शिवशाही बसचा अपघात शनिवारी (ता.२८) झाला. अपघातात सहा जण जखमी झाले आहेत. ही दुर्घटना तुळजापूर-लातुर रस्त्यावर बायपासजवळ सायंकाळी सहा वाजण्याच्या सुमारास घडली. उपजिल्हा रुग्णालयाच्या सूत्रानुसार मिळालेल्या माहितीनुसार जखमींची नावे पुढीलप्रमाणे आहेत, शौनकबी नसीर पटेल (वय ६५, राहणार केशेगांव ता.तुळजापूर), शोभा यशवंत कानडे (वय ६०, राहणार तुळजापूर), हमनाराम निरानाम (वय ३५, रा. राजस्थान), महुद्दीन सरदार शेख (वय २९, रा. चडचण, कर्नाटक), एसटी चालक किरण रंगनाथ गुंडले ( वय ३१, रा. दवेली, ता.रेणापूर), सोपान विठ्ठल भागवत (४३, रा.लातूर) आदी. लातुर (Latur) - सोलापूर शिवशाही बस (एमएच ०६ इडब्लू ८९८) आणि ट्रक (आरजे १९ जीएफ ७६५७) यांचा अपघात झाला. एसटी आणि ट्रक दोन्हीही बायपासजवळ एकमेकांवर आदळल्याने हा अपघात झाला. घटनास्थळी आगारप्रमुख राजकुमार दिवटे यांनी भेट दिली आहे. गंभीर जखमी शौनकबी पटेल यांना उस्मानाबादेत (Osmanabad) उपचारासाठी हलविण्यात आलेले आहे. (ST Bus Truck Accident On Tuljapur Latur Road, 6 People Injured In Osmanabad)

पुन्हा अपघातांची मालिका

तुळजापूर-लातुर रस्त्यावर आज शनिवारी याच ठिकाणी दुचाकीचा अपघात झाला. तसेच दुपारी बारा वाजता कार-ट्रक अपघातात याच ठिकाणी दोन जण जखमी झालेले आहेत. आणि सायंकाळी सहा वाजता सहा जण ट्रक आणि शिवशाही बस अपघातात जखमी झालेले आहेत.

तुळजापूर-लातुर रस्त्यावरील बायपासजवळ आज एकाच ठिकाणी तीन अपघात झाले. तेथे उड्डाण पूल करावा, यासाठी आम्ही वारंवार मागणी करीत आहोत.

- पंकज शहाणे, लोकसेवा फाऊंडेशन, तुळजापूर.