सौरऊर्जा उपकेंद्रांतून वीजनिर्मितीला प्रारंभ 

औरंगाबाद - विजेचा तुडवडा लक्षात घेऊन महावितरणने सौरऊर्जेचा वापर करून वीजनिर्मितीवर लक्ष केंद्रित केले आहे. मराठवाडा व खानदेशमध्ये सौरऊर्जेवरील 153 उपकेंद्रे उभारण्यात येत आहेत. त्यापैकी सहा उपकेंद्रांचे काम पूर्ण झाले असून, साडेसात मेगावॉट वीजनिर्मितीला सुरवातही झाली आहे. 

राष्ट्रीय सौर अभियानाचा भाग म्हणून राज्यात महावितरणमार्फत मुख्यमंत्री सौर कृषी वाहिनी योजना कार्यान्वित करण्यात आली आहे. या योजनेतून महावितरणची सौरऊर्जेद्वारे वीजनिर्मिती करणारी उपकेंद्रे वेगाने उभारण्यात येत आहेत. सप्टेंबर 2018 मध्ये नागपूरच्या बुटीबोरी येथे सौरऊर्जा वीज प्रकल्पाची यशस्वी चाचणी घेण्यात आली होती. शेतकऱ्यांना अविरत वीजपुरवठा देण्याच्या उद्देशाने हा प्रकल्प राबविला जात आहे. 

पूर्ण झालेली उपकेंद्रे 
- चौका, देवगाव रंगारी (जि. औरंगाबाद) 
- जुनवणे, एमआयडीसी धुळे, बोर्डी (जि. धुळे) 
- किनगाव (लातूर) 

महावितरणच्या अनेक ठिकाणी रिकाम्या जागा आहेत. या ठिकाणी "सोलर पॅनेल' टाकून वीजनिर्मिती करण्यात येत आहे. त्यातून काही प्रमाणात महावितरणच्या विजेची गरज भागवली जात आहे. भविष्यात व्यापक प्रमाणात वीजनिर्मिती करण्याचे लक्ष्य आहे. 
- ओमप्रकाश बकोरिया, सहव्यवस्थापकीय संचालक, महावितरण 

अशी आहे स्थिती 

विभाग --- उपकेंद्रे ---- अपेक्षित वीजनिर्मिती (मेगावॉटमध्ये) --- एकूण खर्च (कोटी रुपयांत) ---- पूर्ण झालेली उपकेंद्रे ---- प्रत्यक्ष वीजनिर्मिती (मेगावॉटमध्ये) 
औरंगाबाद - 20 --------- 21.25 -------------------------------- 4.91 -------- ----------------- 2 ---------- 2.51 
जालना - 09 -------- 09.00 ------------------------------ 2.31 --------------------------------------------------- 
धुळे - 14 -------- 16.50 --- -------------------------- 3.71 ------------------------- 3 ------------- 4.5 
जळगाव - ----------------------------------------------------------------------------------------------------------- 
नंदुरबार - 3 --------- 3.25 ------------------------------- 0.91 -------------------------------------- 
बीड - 28 --------- 31.5 -------------------------------- 6.27 --------------------------------------- 
लातूर - 33 --------- 28.25 -------------------------------- 7.39 ---------- ------------- 1 --------------- 0.70 
उस्मानाबाद - 15 ---------- 16.75 --------------------------------- 3.36 ---------------------------------------------------- 
हिंगोली - 07 ---------- 8.5 --------------------------------- 1.57 -------------------------------------------------- 
नांदेड - 18 ----------- 18.5 ---------------------------------- 4.05 ------------------------------------------------- 
परभणी - 06 ------------ 6.75 ---------------------------------- 1.41 ------------------------------------------------------ 
एकूण - 53 ----------- 160.25 --------------------------------- 35.89 --------------------- 6 -------------- 7.45