राज्यमार्गाचे काम निकृष्ट दर्जाचे
हेर - आष्टामोड ते उदगीर रस्त्याचे काम चालू आहे. परंतु, काम संपण्यापूर्वीच करडखेल ते नरसिंगवाडी या ठिकाणी जे काम झाले त्या रस्त्याला भेगा पडल्या आहेत. त्यामुळे कामाच्या दर्जाबाबत संशय निर्माण झाला आहे. आताच रस्ता खराब होत असून, पावसाळ्यात तर त्याची मोठी दुरवस्था होईल, अशी चर्चाही नागरिक करीत आहेत.
नरसिंगवाडी पाटीदरम्यान रस्त्यावर दगड गोटे भरून वरून सिमेंटाचा थर दिला होता. परंतु, त्यावरून काही वाहने गेल्यानंतर लगेच रस्ता उखडला. तेव्हा दगड गोटे भरून केलेला रस्ता उखडल्याने त्यावरचे सिमेंट काढून रस्त्याच्या कडेला टाकण्यात आले व नवीन रस्ता तयार करण्यात आला. तोसुद्धा अतिशय निकृष्ट दर्जाचा झाल्याचे दिसून येत आहे. रस्त्याला चिरा व भेगा पडत असल्याचे दिसत आहे; तसेच रस्त्याच्या कामात सळईचा वापर अजिबात झालेला नाही.
रस्त्याच्या बाजूला दीड फुटाचे सळईचे तुकडे करून रस्त्याच्या बाजूला खुपसण्यात आलेले आहेत. एका बाजूपासून दुसऱ्या बाजूपर्यंत अखंड सळई वापरलेली नाही. रस्त्यावर पाणी मारले जात नाही. त्यामुळे वाहन चालवताना धुरळा उडत आहे. याचा त्रास प्रवाशांना होत आहे. या रस्त्याचे काम अतिशय संथ चालू आहे. या कामासाठी सिमेंट अतिशय निकृष्ट दर्जाचे वापरले जात असल्याचा आरोप नागरिक करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.